ഒമാൻ ഭരണാധികാരിയുടെ മരണം: അനുശോചനം അറിയിക്കാൻ ലോകനേതാക്കൾ മസ്കറ്റിലെത്തി

മസ്കറ്റ്: ഒമാൻ ഭരണാധികാരി സു​ൽ​ത്താ​ൻ ഖാ​ബൂ​സ്​ ബി​ൻ സഈദിന്റെ നിര്യാണത്തിൽ അനുശോചനം അറിയിക്കാൻ വിവിധ രാഷ്ട്ര നേതാക്കൾ മസ്ക്കറ്റിലെത്തി. ത​ല​സ്​​ഥാ​ന ഗ​വ​ർ​ണ​റേ​റ്റി​ലെ അ​ൽ ആ​ലം കൊ​ട്ടാ​ര​ത്തി​ലെത്തിയാണ് കുവൈറ്റ് അമീർ ഉൾപ്പെടെയുള്ള പ്രമുഖ ലോക നേതാക്കൾ സുൽത്താന് ആദരം അറിയിച്ചത്. പുതിയ ഭരണാധികാരി സയ്യിദ് ഹൈതം ബിൻ താരിഖ് അൽ സഈദ് ആണ് ഇവരെ സ്വീകരിച്ചത്.

ഒരു സംഘം ഉദ്യോഗസ്ഥ പ്രമുഖരുമൊത്താണ് കുവൈറ്റ് അമീർ ഷെയ്ഖ് സബാഹ് അൽ അഹമ്മദ് അൽ ജാബർ അൽ സബാഹ് സുൽത്താന് ആദരം അറിയിക്കാൻ മസ്ക്കറ്റിലെത്തിയത്. ഇദ്ദേഹത്തിന് പുറമെ ഖ​ത്ത​ർ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി, അ​ബൂ​ദ​ബി കി​രീ​ടാ​വ​കാ​ശി​യും യു.​എ.​ഇ സാ​യു​ധ​സേ​നാ ഉ​പ​മേ​ധാ​വി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ് അ​ൽ ന​ഹ്​​യാ​ൻ, ഇ​റാ​ൻ വി​ദേ​ശ​കാ​ര്യ​മ​ന്ത്രി ഡോ. ​മു​ഹ​മ്മ​ദ്​ ജ​വാ​ദ്​ സ​രീ​ഫ്, ബ​ഹ്​​റൈ​ൻ രാ​ജാ​വ്​ ഹ​മ​ദ്​ ബി​ൻ ഇ​സ്സ അ​ൽ ഖ​ലീ​ഫ, യ​മ​ൻ പ്ര​സി​ഡ​ൻ​റ്​ അ​ബ്​​ദു​റ​ബ്ബ്​ മ​ൻ​സൂ​ർ ഹാ​ദി, ബ്രി​ട്ടീ​ഷ്​ പ്ര​ധാ​ന​മ​ന്ത്രി ബോ​റി​സ്​ ജോ​ൺ​സ​ൺ, ചാ​ൾ​സ് രാ​ജ​കു​മാ​ര​ൻ, ബ്രി​ട്ടീ​ഷ്​ പ്ര​തി​രോ​ധ സെ​ക്ര​ട്ട​റി ബെ​ൻ​വാ​ല​സ്, മു​ൻ ഫ്ര​ഞ്ച്​ പ്ര​സി​ഡ​ൻ​റ്​ നി​ക​ള​സ്​ സാ​ർ​​കോ​സി, തു​നീ​ഷ്യ​ൻ പ്ര​സി​ഡ​ൻ​റ്​ കൈ​സ്​ സ​ഇ​ദ്​ തു​ട​ങ്ങി​യരും അ​ൽ ആ​ലം കൊ​ട്ടാ​ര​ത്തി​ലെ​ത്തി അ​നു​ശോ​ച​നം അ​റി​യി​ച്ചു.

ഇക്കഴിഞ്ഞ വെള്ളിയാഴ്ചയാണ് രോഗബാധിതനായിരുന്ന ഒമാൻ ഭരണാധികാരി അന്തരിച്ചത്.