കല കുവൈറ്റ്‌ മേഖല സമ്മേളനങ്ങൾ പൂർത്തിയായി

0
12

കുവൈത്ത് സിറ്റി: കേരള ആർട്ട്‌ ലവേഴ്‌സ് അസോസിയേഷൻ-കല കുവൈറ്റ്‌ 89 യൂണിറ്റ് സമ്മേളനങ്ങളും നാല് മേഖല സമ്മേളനങ്ങളും പൂർത്തിയാക്കി 46-ാമത് വാർഷിക സമ്മേളനത്തിലേക്ക്.കേന്ദ്ര വാർഷിക സമ്മേളനം ജനുവരി 24 രാവിലെ 9 മണി മുതൽ സ.സീതാറാം യെച്ചൂരി നഗറിൽ(ഇന്ത്യൻ സെൻട്രൽ സ്കൂൾ അബ്ബാസിയ)നടക്കും.ന്നാല് മേഖലകളിൽ നിന്നായി 342 പ്രതിനിധികൾ സമ്മേളനത്തിൽ പങ്കെടുക്കും.അബുഹലിഫ മേഖല സമ്മേളനം സ.അനിൽ കുമാർ നഗറിൽ (D P S സ്കൂൾ അഹമ്മദി) മലയാളം മിഷൻ കുവൈറ്റ്‌ ചാപ്റ്റർ സെക്രട്ടറി ജെ സജി ഉദ്ഘാടനം നിർവഹിച്ചു. മേഖല പ്രസിഡന്റ് സന്തോഷ്‌ കെ ജി യുടെ താൽക്കാലിക അധ്യക്ഷതയിൽ ആരംഭിച്ച സമ്മേളനത്തിൽ 19 യൂണിറ്റുകളിൽ നിന്നുമുള്ള 121 പ്രതിനിധികളും, മേഖല-കേന്ദ്ര കമ്മിറ്റി അംഗങ്ങൾ അടക്കം 169 പേര് പങ്കെടുത്തു.

മേഖല എക്സിക്യൂട്ടീവ് അംഗം സൂരജ് സുകുമാരൻ അനുശോചന പ്രമേയം അവതരിപ്പിച്ച സമ്മേളനത്തിൽ മേഖല സെക്രട്ടറി രഞ്ജിത്ത് ടി എം പ്രവർത്തന റിപ്പോർട്ടും ജനറൽ സെക്രട്ടറി സജി തോമസ് മാത്യു സംഘടന റിപ്പോർട്ടും അവതരിപ്പിച്ചു. 19 യൂണിറ്റുകളെ പ്രതിനിധീകരിച്ച് 24 പേര് ചർച്ചയിൽ പങ്കെടുത്തു, മേഖല സെക്രട്ടറി രഞ്ജിത്ത് ടി എം, കല കുവൈറ്റ്‌ പ്രസിഡന്റ് അനൂപ് മങ്ങാട്ട് എന്നിവർ അംഗങ്ങളുടെ ചർച്ചക്കുള്ള മറുപടി നൽകി തുടർന്ന് പ്രവർത്തന റിപ്പോർട്ടും സംഘടനാ റിപ്പോർട്ടും സമ്മേളനം അംഗീകരിച്ചു. അടുത്ത പ്രവർത്തന വർഷത്തിൽ അബുഹലിഫ മേഖല കമ്മിറ്റിയെ നയിക്കുന്നതിന് 15 അംഗ മേഖല എക്സിക്യുട്ടീവ് അംഗങ്ങളെയും മേഖല കമ്മിറ്റിയുടെ പ്രസിഡന്റായി ജോബിൻ ജോണിനെയും, സെക്രട്ടറിയായി സന്തോഷ്‌ കെ ജി യെയും സമ്മേളനം തെരഞ്ഞെടുത്തു. ജനുവരി 24 ന് നടക്കുന്ന കല കുവൈറ്റിന്റെ 46-ാമത് കേന്ദ്ര വാർഷിക സമ്മേളനത്തിലേക്ക് പ്രതിനിധികളേയും സമ്മേളനം തെരെഞ്ഞെടുത്തു കല കുവൈറ്റ് ട്രെഷറർ അനിൽ കുമാർ, ജോയിന്റ് സെക്രട്ടറി ബിജോയ് എന്നിവർ സമ്മേളനത്തിന് അഭിവാദ്യങ്ങൾ അർപ്പിച്ച് സംസാരിച്ചു.സ്വാഗത സംഘം ചെയർമാൻ വിജുമോൻ സ്വാഗതം ആശംസിച്ച സമ്മേളനത്തിന് അബുഹലിഫ മേഖലയുടെ പുതിയതായി തെരെഞ്ഞെടുത്ത സെക്രട്ടറി സന്തോഷ്‌ കെ ജി നന്ദി പറഞ്ഞു.കല കുവൈറ്റ്‌ അബ്ബാസിയ മേഖല സമ്മേളനം സഖാവ് : പുഷ്പൻ നഗറിൽ (ആസ്പയർ ഇന്ത്യൻ ഇന്റർനാഷണൽ സ്കൂൾ , അബ്ബാസിയ ) ലോകകേരള സഭാംഗം ആർ നാഗനാഥൻ ഉദ്ഘാടനം ചെയ്തു. മേഖല പ്രസിഡന്റ് സുരേഷ് കോഴഞ്ചേരിയുടെ താൽക്കാലിക അധ്യക്ഷതയിൽ ആരംഭിച്ച സമ്മേളനത്തിൽ 29 യൂണിറ്റുകളിൽ നിന്നുമുള്ള 205 പ്രതിനിധികളും, മേഖല-കേന്ദ്ര കമ്മിറ്റി അംഗങ്ങൾ അടക്കം 274 പേര് പങ്കെടുത്തു.മേഖല എക്സിക്യൂട്ടീവ് അംഗം അശോകൻ കൂവ അനുശോചന പ്രമേയം അവതരിപ്പിച്ച സമ്മേളനത്തിൽ അബ്ബാസിയ മേഖല സെക്രട്ടറി നവീൻ കെ വി പ്രവർത്തന റിപ്പോർട്ടും ജനറൽ സെക്രട്ടറി സജി തോമസ് മാത്യു സംഘടന റിപ്പോർട്ടും അവതരിപ്പിച്ചു. 29 യൂണിറ്റുകളെ പ്രതിനിധീകരിച്ച് 37 പേർ ചർച്ചയിൽ പങ്കെടുത്തു, മേഖല സെക്രട്ടറി,ജനറൽ സെക്രട്ടറി എന്നിവർ അംഗങ്ങളുടെ ചർച്ചക്കുള്ള മറുപടി നൽകി തുടർന്ന് പ്രവർത്തന റിപ്പോർട്ടും സംഘടനാ റിപ്പോർട്ടും സമ്മേളനം അംഗീകരിച്ചു. അടുത്ത പ്രവർത്തന വർഷത്തിൽ അബ്ബാസിയ മേഖല കമ്മിറ്റിയെ നയിക്കുന്നതിന് 15 അംഗ മേഖല എക്സിക്യുട്ടീവ് അംഗങ്ങളെയും തുടർന്ന് മേഖല പ്രസിഡന്റായി കൃഷ്ണ മേലത്ത്, സെക്രട്ടറിയായി സജീവൻ പി പി എന്നിവരെ സമ്മേളനം തെരഞ്ഞെടുത്തു. ജനുവരി 24 ന് നടക്കുന്ന കല കുവൈറ്റിന്റെ 46-ാമത് കേന്ദ്ര വാർഷിക സമ്മേളനത്തിലേക്ക് 115 പ്രതിനിധികളേയും തെരെഞ്ഞെടുത്തു.

കല കുവൈറ്റ് പ്രസിഡന്റ് അനുപ് മങ്ങാട്ട്, ട്രെഷറർ അനിൽ കുമാർ, ജോയിന്റ് സെക്രട്ടറി ബിജോയ്‌, വൈസ് പ്രസിഡന്റ് റിച്ചി കെ ജോർജ് എന്നിവർ സമ്മേളനത്തിന് അഭിവാദ്യങ്ങൾ അർപ്പിച്ച് സംസാരിച്ചു. അബ്ബാസിയ മേഖല സമ്മേളന സംഘാടകസമിതി സ്വാഗത സംഘം ചെയർമാൻ അജിത്ത് കുമാർ നെടുംകുന്നം സ്വാഗതം ആശംസിച്ച സമ്മേളനത്തിന് അബ്ബാസിയ മേഖലയുടെ പുതിയതായി തെരെഞ്ഞെടുത്ത സെക്രട്ടറി സജീവൻ പി പി നന്ദി പറഞ്ഞു.വയനാട് ദുരന്തത്തിൽ കേരളത്തോടുള്ള കേന്ദ്ര അവഗണന അവസാനിപ്പിക്കുക, ഒരു രാജ്യം ഒരു തിരഞ്ഞെടുപ്പ് എന്ന നിയമ ഭേദഗതിയിൽ നിന്നും കേന്ദ്ര സർക്കാർ പിന്മാറുക, ഇന്ത്യരാജ്യത്തിലെ പൊതുമേഖല സ്ഥാപനങ്ങൾ വിറ്റു തുലയ്‌ക്കുന്ന കേന്ദ്രസർക്കാൻ നയം അവസാനിക്കുക,ഒരു രാജ്യം ഒരു തെരഞ്ഞടുപ്പ്,ശാസ്ത്ര ബോധം വളർത്തുക,ഗൾഫ് രാജ്യങ്ങളിലേക്കുള്ള വിമാന യാത്രക്കൂലി വർദ്ധനവ് പ്രശ്‍നം പരിഹരിക്കുക എന്നീ പ്രമേയങ്ങൾ സമ്മേളനം അംഗീകരിച്ചു.