ന്യൂഡൽഹി: നിയമജ്ഞനും മുൻ കേന്ദ്രമന്ത്രിയുമായിരുന്ന റാം ജഠ്മലാനി (95) അന്തരിച്ചു. വാർധക്യസഹജമായ അസുഖങ്ങളെ തുടർന്ന് ഡൽഹിയിലെ വസതിയിലായിരുന്നു അന്ത്യം. ചെറുപ്പത്തിൽ തന്നെ അഭിഭാഷകനായി നിയമരംഗത്തേക്ക് വന്ന റാം ജഠ്മലാനി ചെറിയ പ്രായത്തിൽ തന്നെ രാഷ്ട്രീയത്തിലേക്കും രംഗപ്രവേശം ചെയ്തു. ജുഡീഷ്യറിയിലെ അഴിമതി ജഠ്മലാനി ചോദ്യം ചെയ്തു. കേന്ദ്ര നിയമമന്ത്രിയായി ജഠ്മലാനി സേവനം അനുഷ്ഠിച്ചു.
