കുവൈറ്റ് സിറ്റി: കുവൈറ്റിലെ ആരോഗ്യസംരക്ഷണ മേഖലയിലെ പ്രമുഖരായ മെട്രോ മെഡിക്കൽ ഗ്രൂപ്പ് ,പ്രശസ്ത എഡ്യൂക്കേഷണൽ ഗ്രൂപ്പായ ഇന്ത്യൻ ഇംഗ്ലീഷ് അക്കാദമി സ്കൂൾ (ഡോൺ ബോസ്കോ) സ്റ്റാഫുകൾക്ക് മെട്രോയുടെ ഫാമിലി ക്ലബ് പ്രിവിലേജ് കാർഡ് കൈമാറി. വൈവിധ്യമാർന്ന ആരോഗ്യ പരിരക്ഷാ ആനുകൂല്യങ്ങളും കിഴിവുകളും പ്രിവിലേജ് കാർഡിലൂടെ ലഭ്യമാണ് . മെട്രോ മെഡിക്കൽ ഗ്രൂപ്പിൻ്റെ കോർപ്പറേറ്റ് മാർക്കറ്റിംഗ് ഹെഡ് – ബഷീർ ബാത്ത, ഇന്ത്യൻ ഇംഗ്ലീഷ് അക്കാദമി സ്കൂൾ ഡയറക്ടർ ഫാ. ഡെറിക് മിസ്ക്വിറ്റ, പ്രിൻസിപ്പൽ ജെയിംസ് ടസ്കനോ, യൂത്ത് ഡയറക്ടർ ഫാ. ജോയ് ഫെർണാണ്ടസ് എന്നിവർക്ക് പ്രിവിലേജ് കാർഡ് കൈമാറി.ഇന്ത്യൻ ഇംഗ്ലീഷ് അക്കാദമി സ്കൂൾ പ്രതിനിധികളായ ജിജോ എബ്രഹാം, ആർലെറ്റ് ഡിസൂസ, സമീന ഖാൻ, ജോബി ജോസ് എന്നിവർ സന്നിഹിതരായിരുന്നു.
ഡിജിറ്റൽ എക്സ്-റേകൾ, എം.ആർ.ഐ സ്കാനുകൾ, സി.ടി സ്കാനുകൾ, ബോൺ മിനറൽ ഡെൻസിറ്റി (ബി.എം.ഡി) ടെസ്റ്റുകൾ എന്നിവയുൾപ്പെടെ വിവിധ മെഡിക്കൽ സേവനങ്ങൾ ഇന്ത്യൻ ഇംഗ്ലീഷ് അക്കാദമി സ്കൂൾ (ഡോൺ ബോസ്കോ) സ്റ്റാഫുകൾക്ക് മിതമായ നിരക്കിൽ ഉപയോഗപ്പെടുത്താം. കൂടാതെ ഡേ കെയർ സർജറി,യൂറോളജി, കാർഡിയോളജി, ഇ.എൻ.ടി, ഓർത്തോപീഡിക്സ്, ഒഫ്താൽമോളജി തുടങ്ങി നിരവധി സ്പെഷ്യാലിറ്റികളിലുടനീളമുള്ള ചികിത്സകളിലും കിഴിവുകൾ വാഗ്ദാനം ചെയ്യുന്നു. ഡെൻ്റൽ, ഡെർമറ്റോളജി നടപടിക്രമങ്ങൾ, ഇൻ-ഹൗസ് ലാബ് ടെസ്റ്റുകൾ എന്നിവ കുറഞ്ഞ നിരക്കിൽ അംഗങ്ങൾക്ക് പ്രയോജനപെടുത്താം. ഫ്രെയിമുകൾക്കും ലെൻസുകൾക്കുമായി ഒപ്റ്റിക്കൽ ഷോറൂമിലെ ഡിസ്കൗണ്ടുകളും, തിരഞ്ഞെടുത്ത പ്രദേശങ്ങളിൽ സൗജന്യ ഡെലിവറിയുടെ അധിക സൗകര്യവും കാർഡിൽ ഉൾപ്പെടുന്നു. ഇത്തരം സേവനങ്ങൾക്ക് പരസ്പരം കൈകോർക്കൽ ഇരു കൂട്ടരുടെയും സാമൂഹിക പ്രതിബദ്ധതയാണ് പ്രതിഫലിപ്പിക്കുന്നത്.
