ഗവര്ണര് ആരിഫ് മുഹമ്മദ് ഖാനെതിരെ കേരള സർവകലാശാല ഇന്ന് പ്രത്യേക സെനറ്റ് യോഗം ചേരും. കണ്ണൂര് സര്വകലാശാലയില് നിയമന വിവാദങ്ങള്ക്കിടെയാണിത്
വി സിയെ തിരഞ്ഞെടുക്കാനുള്ള സെര്ച്ച് കമ്മറ്റി രൂപീകരിച്ചത് ഏകപക്ഷീയമായെന്നാണ് വിലയിരുത്തല്.ഗവര്ണര്ക്കെതിരെ നിയമ നടപടി സ്വീകരിക്കുന്നതിനെക്കുറിച്ചും ആലോചനയുണ്ട്. ഈ വിഷയങ്ങളെല്ലാം ഇന്ന് ചര്ച്ച ചെയ്യും.
വൈസ് ചാന്സിലറെ തിരഞ്ഞെടുക്കാനുള്ള സെര്ച്ച് കമ്മറ്റി രൂപീകരിക്കുന്നത് ഗവര്ണറുടെയും സര്വകലാശാലയുടെയും യുജിസിയുടെയും പ്രതിനിധികളെ ഉള്പ്പെടുത്തിയാണ്. എന്നാല് ചാന്സലറുടെ പ്രതിനിധിയെയും യുജിസി പ്രതിനിധിയെയും മാത്രം ഉള്പ്പെടുത്തിയാണ് ഗവര്ണര് കമ്മിറ്റി രൂപീകരിച്ചത്.
സെര്ച്ച് കമ്മിറ്റിയെ ഗവര്ണര് നിയമിച്ച സാഹചര്യത്തില് സെനറ്റ് പ്രതിനിധി കൂടി വന്നാലേ കമ്മിറ്റി പൂര്ണമാകൂ. മൂന്ന് മാസമാണ് സെര്ച്ച് കമ്മിറ്റിയുടെ കാലാവധി. അതിനാല് സെനറ്റ് പ്രതിനിധിയുടെ പേരു നിര്ദ്ദേശിക്കുന്നതു നീട്ടിക്കൊണ്ടു പോയാല് അത് കാലഹരണപ്പെടും.
