കുവൈത്ത് സിറ്റി: ബിഗ് ടിക്കറ്റ് നറുക്കെടുപ്പിൽ ഇന്ത്യക്കാരനായ പ്രവാസിക്ക് ഭാഗ്യദേവതയുടെ കടാക്ഷം .നവംബര്‍ മാസത്തിലെ ആദ്യ പ്രതിവാര ഇലക്ട്രോണിക് നറുക്കെടുപ്പിൽ ആണ് ഇന്ത്യക്കാരനായ മഗേഷ് അത്തം തെരഞ്ഞെടുക്കപ്പെട്ടത്. ആറു വര്‍ഷമായി യുഎഇയില്‍ താമസിക്കുന്ന മഗേഷ്, ഫുജൈറയിലെ ഒരു ഹോട്ടലില്‍ ജീവനക്കാരനാണ്. കഴിഞ്ഞ രണ്ടു വർഷമായി സുഹൃത്തുക്കളുമായി ചേർന്ന് ഇദ്ദേഹം ടിക്കറ്റ് എടുക്കുന്നുണ്ട്.ബിഗ് ടിക്കറ്റിന്റെ ബൈ ടു ഗെറ്റ് വണ്‍ ഫ്രീ ഓഫര്‍ പ്രയോജനപ്പെടുത്തി ടിക്കറ്റ് വാങ്ങിയ അദ്ദേഹത്തിന് ലഭിച്ച സൗജന്യ ടിക്കറ്റാണ് സമ്മാനാര്‍ഹമായത്. സമ്മാനാര്‍ഹനായതില്‍ അതിയായ സന്തോഷം അറിയിച്ച മഗേഷ് തുടര്‍ന്നും ബിഗ് ടിക്കറ്റില്‍ പങ്കെടുക്കുമെന്ന് പറഞ്ഞു.
