കുവൈത്ത് സിറ്റി : വാല്യു സ്റ്റോർ സേവനങ്ങളിൽ ഓൺലൈൻ പർച്ചേസുകളിൽ വേരിഫിക്കേഷൻ കോഡ് നിർബന്ധമാക്കാൻ സെൻട്രൽ ബാങ്ക് നിർദേശം. ഓൺലൈൻ പർച്ചേസുകളിൽ ഏർപ്പെടുത്തിയ ഏറ്റവും കുറഞ്ഞ തുകയുടെ പരിധി റദ്ദാക്കുവാൻ കുവൈത്ത് സെൻട്രൽ ബാങ്ക് ബാങ്കുകൾക്ക് നിർദ്ദേശം നൽകി. ഇത് മാത്രമല്ല ഐട്യൂൺസ് വഴിയും നെറ്റലൂടെയും ആപ്ലിക്കേഷനുകൾ ഗെയിമുകൾ മുതലായവ വാങ്ങുന്നതിനും ഈ നിബന്ധന ബാധകമാണ്.ഓൺ ലൈൻ തട്ടിപ്പുകൾ വ്യാപകമായ പശ്ചാത്തലത്തിലാണ് നടപടി എന്ന് സെൻട്രൽ ബാങ്ക് അധികൃതർ വ്യക്തമാക്കി.
കഴിഞ്ഞ രണ്ട് മാസത്തിനിടയിൽ നിരവധി പേരാണ് ഇന്റർ നെറ്റ് പണമിടപാടുമായി ബന്ധപ്പെട്ട തട്ടിപ്പുകൾക്ക് ഇരയായതായാണ് റിപ്പോർട്ട് .
