കുവൈറ്റ് സിറ്റി: മെഡിക്കല് സ്റ്റാഫുകള്ക്ക് മാസ്ക് നിര്ബന്ധമാക്കി കുവൈറ്റ്. മെഡിക്കല്, പാരാമെഡിക്കല് ജീവനക്കാര് ജോലി സമയങ്ങളില് മാസ്ക് ധരിക്കണമെന്ന് കാണിച്ച് ആരോഗ്യ മന്ത്രാലയം സര്ക്കുലര് പുറത്തിറക്കി. രാജ്യത്തുടനീളമുള്ള എല്ലാ ആശുപത്രികള്ക്കും പ്രത്യേക കേന്ദ്രങ്ങള്ക്കും പ്രാഥമികാരോഗ്യ കേന്ദ്രങ്ങള്ക്കും നിര്ദേശം ബാധകമാണ്. ശ്വാസകോശ സംബന്ധമായ വൈറസുകളുടെ വ്യാപനത്തിനെതിരായ പ്രതിരോധ നടപടിയെന്ന നിലയില് മാസ്ക് ധരിക്കുന്നത് ഏറെ പ്രധാനമാണെന്ന് സര്ക്കുലറില് പറയുന്നു.
മാസ്ക് ധരിക്കുന്നതോടൊപ്പം വെള്ളം, സോപ്പ്, അണുനാശിനികള് എന്നിവ ഉപയോഗിച്ച് പതിവായി കൈകള് കഴുകുകയും ശുചിത്വം പാലിക്കുകയും വേണമെന്നും മന്ത്രാലയം നിര്ദേശിക്കുന്നു. കൊവിഡ്-19ന്റെയും ഫ്ലൂ വാക്സിനുകളുടെയും ഏറ്റവും പുതിയ പതിപ്പുകള് ഉള്പ്പെടെ കാലാനുസൃതമായ വാക്സിനേഷനുകള് മെഡിക്കല് ഉദ്യോഗസ്ഥര് സ്വീകരിക്കേണ്ടതുണ്ടെന്നും സർക്കുലറിയിൽ ഉണ്ട്.
