കുവൈറ്റ് സിറ്റി : കുവൈറ്റിലെ അംഘാരയിലുള്ള സ്ക്രാപ്പ് യാഡിൽ വൻ തീപിടുത്തം. വെള്ളിയാഴ്ചയാണ് സംഭവം. കുവൈറ്റ് ഫയർ ഫോഴ്‌സിലെ ഒമ്പത് ഫയർ ടീമുകളുടെ ദ്രുതഗതിയിലുള്ള പ്രവർത്തനത്തിലൂടെയും കുവൈറ്റ് ആർമി ഫയർ ഡിപ്പാർട്ട്‌മെന്റിന്റെയും നാഷണൽ ഗാർഡിന്റെയും പിന്തുണയോടെയും തീ നിയന്ത്രണവിധേയമാക്കി. കുവൈറ്റ് ഫയർ ഫോഴ്‌സിലെ പബ്ലിക് റിലേഷൻസ് ആൻഡ് മീഡിയ ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ജനറൽ മുഹമ്മദ് അൽ-ഗരിബ് പറയുന്നതനുസരിച്ച്, കടുത്ത ചൂടും ഉയർന്ന കാറ്റിന്റെ വേഗതയും തീ വേഗത്തിൽ പടരാൻ കാരണമായി. മരം, പെയിന്റുകൾ, സെറാമിക്സ്, കെട്ടിട സാമഗ്രികൾ, ഇരുമ്പ് തുടങ്ങിയ തീപിടിക്കുന്ന വസ്തുക്കൾ സ്‌ക്രാപ്പ്‌യാർഡിൽ ഉണ്ടായിരുന്നു. 180 ഓളം അഗ്നിശമന സേനാംഗങ്ങൾ ഉൾപ്പെട്ട ഈ പ്രവർത്തനത്തിൽ, പ്രത്യേക ഉപകരണങ്ങൾ ഉപയോഗിച്ച് തീ നിയന്ത്രണവിധേയമാക്കുന്നതിനും അടുത്തുള്ള പ്ലോട്ടുകളിലേക്ക് തീ പടരുന്നത് തടയുന്നതിനും അക്ഷീണം പ്രവർത്തിച്ചു.
