കുവൈറ്റ് സിറ്റി : മേഖലയിലെ നിലവിലുള്ള സുരക്ഷാ സാഹചര്യം കണക്കിലെടുത്ത് കുവൈറ്റിലെ ഇന്ത്യൻ പൗരന്മാർക്ക് നിർദ്ദേശവുമായി ഇന്ത്യൻ എംബസി.
കുവൈത്തിൽ താമസിക്കുന്ന എല്ലാ ഇന്ത്യൻ പൗരന്മാരും ജാഗ്രത പാലിക്കണമെന്നും സുരക്ഷാ മാർഗ്ഗനിർദ്ദേശങ്ങൾ കർശനമായി പാലിക്കണമെന്നും എംബസി പ്രസ്താവനയിൽ അറിയിച്ചു.എംബസി സാധാരണഗതിയിൽ പ്രവർത്തിക്കുന്നുണ്ടെന്ന് വ്യക്തമാക്കുകയും ഔദ്യോഗിക ആശയവിനിമയ മാർഗങ്ങൾ വഴി കൂടുതൽ അപ്ഡേറ്റുകൾക്കായി സമൂഹം ജാഗ്രത പാലിക്കണമെന്ന് നിർദ്ദേശിക്കുകയും ചെയ്തു.
എന്തെങ്കിലും സംശയങ്ങൾക്കോ സഹായങ്ങൾക്കോ ഇന്ത്യൻ പൗരന്മാർക്ക് community.kuwait@mea.gov.in എന്ന ഇമെയിൽ വിലാസത്തിൽ എംബസിയുമായി ബന്ധപ്പെടാം.
അല്ലെങ്കിൽ +965 65501946 എന്ന ഹെൽപ്പ്ലൈൻ നമ്പറിൽ വിളിക്കുക.
