ദില്ലി: പാകിസ്ഥാൻ പതാകയുള്ള കപ്പലുകൾക്ക് ഇന്ത്യൻ തുറമുഖങ്ങളിൽ പ്രവേശനം നിരോധനമെർപെടുത്തി . അതുപോലെ, പാകിസ്ഥാനിൽ നിന്നുള്ള എല്ലാ ഇറക്കുമതികൾക്കും ഇന്ത്യയിലേക്കുള്ള പ്രവേശനത്തിന് വിലക്ക് ഏർപ്പെടുത്തിയിട്ടുണ്ട്. ഇന്ത്യൻ തുറമുഖങ്ങൾ ഉപയോഗിച്ച് പാകിസ്ഥാനിലെ ഉൽപ്പന്നങ്ങൾ മൂന്നാം രാജ്യങ്ങളിലേക്ക് കടത്തുചെയ്യുന്നതും തടഞ്ഞിരിക്കുന്നു.
കേന്ദ്ര ഷിപ്പിംഗ് മന്ത്രാലയത്തിന്റെ നിർദ്ദേശപ്രകാരമാണ് ഈ നടപടി എടുത്തിരിക്കുന്നത്. ജമ്മു-കശ്മീറിലെ പുല്വാമയിൽ നടന്ന ഭീകരാക്രമണത്തിന് പ്രതികാരമായാണ് ഈ നിയന്ത്രണങ്ങൾ ഏർപ്പെടുത്തിയിരിക്കുന്നത്. ഇതിനൊപ്പം, പാകിസ്ഥാനിലേക്കുള്ള ഇന്ത്യൻ പോസ്റ്റൽ സർവീസും താൽക്കാലികമായി നിർത്തിവച്ചിരിക്കുകയാണ്.
അതേസമയം, ഇന്ത്യൻ പതാകയുള്ള കപ്പലുകൾക്കും പാകിസ്ഥാനിലെ തുറമുഖങ്ങളിൽ പ്രവേശിക്കുന്നതിന് നിരോധനം ഏർപ്പെടുത്തിയിട്ടുണ്ട്. ദേശീയ സുരക്ഷാ പ്രതിസന്ധികളും രാഷ്ട്രീയ പ്രതിസന്ധികളും കണക്കിലെടുത്താണ് ഈ നടപടി സ്വീകരിച്ചിരിക്കുന്നത്. ഈ നിയന്ത്രണങ്ങൾ ലംഘിച്ച് ഏതെങ്കിലും കപ്പൽ സർവീസ് നടത്തണമെങ്കിൽ കേന്ദ്ര സർക്കാരിന്റെ മുൻകൂർ അനുമതി ആവശ്യമാണെന്ന് മന്ത്രാലയം വ്യക്തമാക്കിയിട്ടുണ്ട്.
