കേരള വിനോദ സഞ്ചാര വകുപ്പിൻറെ ഓൺ ആഘോഷങ്ങളോടനുബന്ധിച്ച് പ്രവാസികൾക്കായി വിശ്വമാനവികതയുടെ ഓണപ്പൂക്കളം എന്ന പേരിൽ പൂക്കൾ മത്സരം സംഘടിപ്പിക്കുന്നു. പ്രവാസി സമൂഹത്തെ കൂടി ഉൾക്കൊള്ളുന്ന തരത്തിലാണ് ഇത്തവണ ടൂറിസം വകുപ്പ് ഓണാഘോഷ പരിപാടികൾ ആസൂത്രണം ചെയ്തിട്ടുള്ളത്. കോവിഡ് പശ്ചാത്തലത്തിൽ ലോകത്താകമാനമുള്ള മലയാളി സമൂഹത്തിന് പരിപാടികളുടെ ഭാഗമാകാവുന്ന തരത്തിൽ ഈ വർഷം വെർച്വൽ ഓണാഘോഷമായിരിക്കും നടത്തുന്നത്. ലോക കേരള സഭയാണ് ഇതിൻറെ നടത്തിപ്പിന് നേതൃത്വം നൽകുന്നത് എന്ന് സംഘാടകസമിതി പത്രസമ്മേളനത്തിൽ അറിയിച്ചു.എൻ. അജിത് കുമാർ, സാംപൈനുമൂട്, ആർ.നാഗനാഥൻ, സജി തോമസ് മാത്യു , സി.കെ.നൗഷാദ് എന്നിവർ വാർത്താ സമ്മേളനത്തിൽ പങ്കെടുത്തു.
മലയാളക്കരയുടെ സാംസ്കാരിക തനിമയെ ലോകത്താകമാനം പരിചയപ്പെടുത്തുന്നതിനും അതു വഴി ടൂറിസം സാധ്യതകളെ വിപുലപ്പെടുത്തുകയും ലക്ഷ്യമിട്ടുള്ളതു കൂടിയാണ് പരിപാടി.
ലോക പ്രവാസി മലയാളികളെ ഓണാഘോഷത്തിൻ്റെ ഭാഗമായി ഒരു പൊതുപരിപാടിയിൽ ഒരുമിച്ചണിനിരത്തുന്ന ആദ്യ സംരഭമായിരിക്കുമിത്.
“വിശ്വമാനവ ലോക പൂക്കളം ” മത്സരങ്ങളിൽ പ്രവാസികളായ വ്യക്തികൾ, കുടുംബങ്ങൾ, സംഘടനകൾ എന്നീ നിലകളിൽ പങ്കെടുക്കാവുന്നതാണ്. ഇതിനായി www.keralatourism.org എന്ന വെബ് സൈറ്റ് സന്ദർശിച്ച് Global Pookalam Competition-2021-ൽ രജിസ്റ്റർ ചെയ്യാവുന്നതാണ്. പരമാവധി ഒരോ വിഭാഗത്തിലും 5 എൻട്രികൾ വരെ കൊടുക്കാം. പൂക്കളത്തിൻ്റെ ചിത്രത്തോടൊപ്പം പൂക്കളം തയ്യാറാക്കിയവരുടെ ഫോട്ടോയും അനുയോജ്യമായ ക്ലാപ്ഷനോടൊപ്പം ചെറുവിവരണത്തോടെ ഈ വരുന്ന ഓഗസ്റ്റ് 23 രാത്രി 12 മണിക്കു മുമ്പായി അപ്ലോഡ് ചെയ്യുക.
