കുവൈറ്റ് സിറ്റി : “തുള്ളിക്കൊരു ജീവൻ” എന്ന ആപ്ത വാക്യം ഉൾക്കൊണ്ട് സാരഥി കുവൈറ്റിന്റെ ജീവകാരുണ്യ പ്രവർത്തനങ്ങളുടെ ഭാഗമായി, മെയ് 16, വെള്ളിയാഴ്ച രാവിലെ 8:00 മുതൽ ഉച്ചക്ക് 1:00 PM വരെ അദാൻ ബ്ലഡ് ട്രാൻസ്ഫ്യൂഷൻ സെന്ററിൽ രക്തദാന ക്യാമ്പ് സംഘടിപ്പിച്ചു. സാരഥി ഹസ്സാവി സൗത്ത് യൂണിറ്റിന്റെ നേതൃത്വത്തിലാണ് ക്യാമ്പ് സംഘടിപ്പിച്ചത്. ക്യാമ്പിൽ 110 ലധികം പേർ രക്തം ദാനം നടത്തി. സാരഥി പ്രസിഡന്റ് ജിതേഷ് എം.പി അധ്യക്ഷത വഹിച്ച ചടങ്ങിൽ,
പരിപാടിയുടെ ജനറൽ കൺവീനർ ശ്രീജിത്ത് കെ.എസ് സ്വാഗതം പറഞ്ഞു. ഇന്ത്യൻ ഡോക്ടേഴ്സ് ഫോറം വൈസ് പ്രസിഡന്റ് ഡോ. സുശോവന സുജിത്ത് ക്യാമ്പ് ഔപചാരികമായി ഉദ്ഘാടനം ചെയ്തു. സാരഥിയുടെ വാർഷിക സ്പോൺസറായ BEC എക്സ്ചേഞ്ച് മാർക്കറ്റിംഗ് മാനേജർ രാംദാസ്, ഷിഫ അൽ ജസീറ ഗ്രൂപ്പിന്റെ മാർക്കറ്റിംഗ് ഹെഡ് മോണ ഹസ്സൻ, അൽ നഹിൽ ജനറൽ മാനേജർ വിജിത്ത് നായർ, എന്നിവർ ചടങ്ങിൽ മുഖ്യാതിഥികളായിരുന്നു.
സാരഥി ജനറൽ സെക്രട്ടറി വിനോദ് ചീപ്പാറയിൽ, ട്രസ്റ്റ് ചെയർമാൻ ജിതിൻ ദാസ്, വനിതാ വേദി ചെയർപേഴ്സൺ ബിജി അജിത് കുമാർ, ഡോ. ശ്രീറാം നാഥൻ ജോ. സെക്രട്ടറി IDF, ഡോ. രായവരം രഘു നന്ദൻ IDF സെക്രട്ടറി , ഹസ്സാവി യൂണിറ്റ് സെക്രട്ടറി വിജയൻ കെ.സി വനിതാവേദി ഹസ്സാവി സൗത്ത് യൂണിറ്റ് കൺവീനർ സന്ധ്യ രഞ്ജിത്ത് എന്നിവർ ആശംസകൾ അറിയിച്ചു. സാരഥി സെൻട്രൽ ട്രഷറർ അനിൽ കുമാർ എസ് നന്ദി പറഞ്ഞു. സാരഥിയുടെ വിവിധ യൂണിറ്റുകളിലെ അംഗങ്ങൾ, അഡ്വൈസറി ബോർഡ് അംഗങ്ങൾ, വനിതാ വേദിയംഗങ്ങൾ, കൂടാതെ ഗുരുകുലം പ്രസിഡന്റ് അലഗ്ര പ്രിജിതിന്റെ നേതൃത്വത്തിലുള്ള ഗുരുകുലം കുട്ടികളും ഈ ക്യാമ്പിന്റെ വിജയത്തിൽ നിർണായക പങ്ക് വഹിച്ചു.
