കുവൈറ്റ് സിറ്റി : സബാഹ് അൽ-അഹ്മദ് മറൈൻ ഏരിയയിലെ മാൻഹോളിൽ വീണ രണ്ട് തൊഴിലാളികളെ അഗ്നിശമന സേനാംഗങ്ങൾ വിജയകരമായി രക്ഷപ്പെടുത്തി. ഖൈറാൻ ഫയർ സ്റ്റേഷൻ, സെർച്ച് ആൻഡ് റെസ്ക്യൂ യൂണിറ്റ്, ഷാദാദിയ ഹസാർഡസ് മെറ്റീരിയൽസ് സെന്റർ എന്നിവിടങ്ങളിൽ നിന്നുള്ള സംഘങ്ങൾ സംഭവസ്ഥലത്ത് വേഗത്തിൽ പ്രവർത്തിച്ചതായി ജനറൽ ഫയർ ഫോഴ്സ് റിപ്പോർട്ട് ചെയ്തു. തൊഴിലാളികളെ മാൻഹോളിൽ നിന്ന് സുരക്ഷിതമായി രക്ഷപ്പെടുത്തി ചികിത്സയ്ക്കായി അടിയന്തര മെഡിക്കൽ സർവീസുകൾക്ക് കൈമാറി.
