കുവൈത്ത് സിറ്റി: യൂറോപ്യൻ രാജ്യത്ത് നിന്ന് എത്തിയ 26 കിലോഗ്രാമിൽ കൂടുതൽ മയക്കുമരുന്ന് അടങ്ങിയ ഒരു ചരക്ക് എയർ കാർഗോ കസ്റ്റംസ് വകുപ്പ് വിജയകരമായി പിടികൂടി. 12 കിലോഗ്രാം കഞ്ചാവ്, 11.25 കിലോഗ്രാം ഹാഷിഷ്, 3 കിലോഗ്രാം കൊക്കെയ്ൻ എന്നിവയാണ് പാക്കേജിനുള്ളിൽ നിന്ന് കണ്ടെത്തിയത്. പതിവ് പരിശോധനയ്ക്കിടെയാണ് സംശയാസ്പദമായ പാക്കേജ് തിരിച്ചറിഞ്ഞതെന്ന് അധികൃതർ പറഞ്ഞു . കൂടുതൽ പരിശോധനയ്ക്കായി കസ്റ്റംസ് ഉദ്യോഗസ്ഥർ പാക്കേജ് ഫ്ലാഗ് ചെയ്തു. പിടിച്ചെടുത്ത മയക്കുമരുന്ന് കൂടുതൽ നിയമനടപടികൾക്കും അന്വേഷണത്തിനുമായി ബന്ധപ്പെട്ട അധികാരികൾക്ക് കൈമാറി .
