കുവൈത്ത് സിറ്റി:കുവൈത്ത് ഒഐസിസി നാഷണൽ കമ്മറ്റിയുടെ മികച്ച പൊതു പ്രവർത്തകനുള്ള പ്രഥമ രാജീവ് ഗാന്ധി പ്രവാസി പുരസ്കാരം കെ.സി. വേണുഗോപാൽ എം.പിക്ക്. മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖ് അലി ശിഹാബ് തങ്ങൾ കെ.സി. വേണുഗോപാലിന് പുരസ്കാരം സമർപ്പിക്കും.
ഒഐസിസി നാഷണൽ കമ്മറ്റിയുടെ നേതൃത്വത്തിൽ മെയ് 9 ന് വൈകുന്നേരം 5 മണി മുതൽ ഷുവൈഖ് ഫ്രീ സോൺ കൺവെൻഷൻ സെന്റർ & റോയൽ സ്യുട്ട് ഹോട്ടലിൽ . “വേണു പൂർണിമ- 2025’ എന്ന പേരിൽ സംഘടിപ്പിക്കുന്ന പരിപാടിയിൽ വെച്ചാണ് അവാർഡ് സമർപ്പിക്കുക
കോൺഗ്രസിന്റെ കുവൈത്തിലെ പോഷക ഘടകമാണ് ഓ ഐ സി സി . കുവൈറ്റിലെ സാമൂഹ്യ സാംസ്കാരിക രാഷ്ട്രീയ രംഗത്ത് നിറസന്നിധ്യമായി മാറാൻ പ്രസിഡന്റ് വർഗീസ് പുതുകുളങ്ങരയുടെ നേതൃത്വത്തിൽ ഒഐസിസി കുവൈറ്റിന് കഴിഞ്ഞിട്ടുണ്ട് നിരവധി ജീവ കാരുണ്യ പ്രവർത്തങ്ങൾ നടത്തുന്ന ഓ ഐ സി സി ക്ക് അബ്ബാസിയയിൽ ഒരു ഓഫീസും വിദേശത്ത് ആദ്യമായി ഒരു ലൈബ്രറിയും കുവൈത്തിൽ പ്രവർത്തിച്ചുവരുന്നു.
ഒഐസിസി നാഷണൽ കമ്മറ്റിയുടെ കീഴിൽ കേരളത്തിലെ 14 ജില്ലാ കമ്മറ്റികളും യുവജന വിഭാഗം, വനിതാ കമ്മറ്റി ഉൾപ്പെടെ വിവിധ പോഷക സംഘടനകളും സജീവമാണ്. കുവൈറ്റിൽ മരണപെട്ട നിരവധി പേരുടെ മൃതദേഹങ്ങൾ കാലതാമസം കൂടാതെ നാട്ടിലെത്തിക്കാൻ ഒഐസിസി കെയർ ടീമും കൃത്യമായി പ്രവർത്തിക്കുന്നു. .
കെ.പി.സി.സി ജനറൽ സെക്രട്ടറിയും കുവൈത്ത് ചുമതലയുമുള്ള അഡ്വ.അബ്ദുൽ മുതലിബ്, മറിയം ഉമ്മൻചാണ്ടി എന്നിവരും പങ്കെടുക്കും.
പ്രശസ്ത പിന്നണി ഗായകർ പങ്കെടുക്കുന്ന വിവിധ കലാ പരിപാടികളും അരങ്ങേറും.
വാർത്താ സമ്മേളനത്തിൽ പ്രസിഡണ്ട് വർഗീസ് പുതുക്കുളങ്ങര, ജനറൽ സെക്രട്ടറി ബി എസ് പിള്ള, സാമുവൽ ചാക്കോ , നിസാം തിരുവന്തപുരം, സുരേഷ് മാത്തൂർ, തുടങ്ങിയവർ പങ്കെടുത്തു.
—
