കുവൈറ്റ് സിറ്റി: കുവൈറ്റിൽ മലയാളി നിര്യാതനായി. എറണാകുളം, പെരുമ്പാവൂർ, വളയഞ്ചിറങ്കര സ്വദേശി സനൽകുമാർ (50) ആണ് മരിച്ചത്. മലയാളം മിഷൻ കുവൈറ്റ് ചാപ്റ്റർ പ്രസിഡന്റ് ആയിരുന്നു. മലയാളം മിഷന്റെ ഭാരവാഹി എന്ന നിലയിൽ കുവൈറ്റിലെ മിഷൻ പ്രവർത്തനങ്ങളിൽ നേതൃപരമായ പങ്ക് വഹിച്ചു വരികയായിരുന്നു. സംസ്കാര ചടങ്ങ് നാളെ ഉച്ചയ്ക്ക് 2 മണിക്ക് വളയഞ്ചിറങ്കര വീട്ടു വളപ്പിൽ നടക്കും. മീര (ഭാര്യ), അഭിരാം സനൽകുമാർ, അനാമിക സനൽകുമാർ (മക്കൾ), ഗോപി കേട്ടെത്ത് (അച്ഛൻ), ശാന്ത (അമ്മ), സഹോദരങ്ങൾ സംഗീത്, കവിത.
