കുവൈറ്റ് സിറ്റി : കുവൈറ്റിൽ ഈദുൽ ഫിത്തർ അവധി പ്രഖ്യപിച്ചു. ശവ്വാൽ മാസപ്പിറവി കാണുന്നതിനെ ആശ്രയിച്ചിരിക്കും അവധിയുടെ ദൈർഘ്യം.തീരുമാനമനുസരിച്ച്, സാധ്യമായ രണ്ട് അവധിക്കാല ഷെഡ്യൂളുകൾ രൂപപ്പെടുത്തിയിട്ടുണ്ട്. റമദാൻ 30 ദിവസം പൂർത്തിയാക്കുകയാണെങ്കിൽ, മാർച്ച് 19 വ്യാഴാഴ്ച മുതൽ മാർച്ച് 23 തിങ്കളാഴ്ച വരെ അവധി തുടരും, മാർച്ച് 24 ചൊവ്വാഴ്ച ജോലികൾ പുനരാരംഭിക്കും.റമദാൻ 29 ദിവസം നീണ്ടുനിൽക്കുകയാണെങ്കിൽ, അവധി മാർച്ച് 19 വ്യാഴാഴ്ച മുതൽ മാർച്ച് 22 ഞായറാഴ്ച വരെ തുടരും, മാർച്ച് 23 തിങ്കളാഴ്ച ജോലികൾ പുനരാരംഭിക്കും.
