കുവൈത്ത് സിറ്റി: സോഷ്യൽ മീഡിയയിൽ പ്രചരിക്കുന്ന റേഡിയേഷൻ ചോർച്ചയെന്ന വാർത്തകൾ അടിസ്ഥാനരഹിതമാണെന്ന് കുവൈത്ത് നാഷണൽ ഗാർഡിന്റെ വക്താവ് ബ്രിഗേഡിയർ ജനറൽ ഡോ. ജാദാൻ ഫഡൽ വ്യക്തമാക്കി. രാജ്യത്തിലെ അന്തരീക്ഷത്തിലും തീരദേശ ജലങ്ങളിലും കിരണനില സാധാരണ പരിധിക്കുള്ളിലാണെന്ന് അദ്ദേഹം അറിയിച്ചു. സ്ഥിതിഗതികൾ നിരന്തരം നിരീക്ഷിക്കുന്നതിനായി പ്രത്യേക സംഘങ്ങൾ 24 മണിക്കൂറും പ്രവർത്തിച്ചുകൊണ്ടിരിക്കുകയാണെന്നും അദ്ദേഹം കൂട്ടിച്ചേർത്തു.
