കുവൈത്ത് സിറ്റി: കുവൈറ്റ് സമുദ്രാതിർത്തിയിലൂടെയുള്ള നുഴഞ്ഞുകയറ്റ ശ്രമം ഇന്നലെ രാവിലെ സായുധ സേന പരാജയപ്പെടുത്തിയതായും കടൽമാർഗ്ഗം നിയമവിരുദ്ധമായി രാജ്യത്തേക്ക് കടക്കാൻ ശ്രമിച്ച നാല് പേരെ പിടികൂടിയതായും പ്രതിരോധ
മന്ത്രാലയത്തിന്റെ ഔദ്യോഗിക വക്താവ് കേണൽ സൗദ് അൽ-അത്വാൻ പറഞ്ഞു. ഇവരെ ബന്ധപ്പെട്ട അധികാരികൾക്ക് കൈമാറി.
കൃത്യത ഉറപ്പാക്കാനും ഔദ്യോഗിക സ്രോതസ്സുകളിൽ നിന്ന് വിവരങ്ങൾ നേടാനും കിംവദന്തികളിൽ വഞ്ചിതരാകാതിരിക്കാനും തെറ്റായ വിവരങ്ങൾ പ്രചരിപ്പിക്കാതിരിക്കാനും കരസേനയുടെ ജനറൽ സ്റ്റാഫ് എല്ലാവരോടും ആഹ്വാനം ചെയ്തു.
