കുവൈറ്റ്‌ സിറ്റി : കുവൈറ്റിലെ കുബ്ബാർ ദ്വീപിനടുത്ത് ബോട്ട് കൂട്ടിയിടിച്ച് അപകടം ഉണ്ടായി. വെള്ളിയാഴ്ച വൈകുന്നേരത്തോടെയാണ് സംഭവം. ദ്വീപിന്റെ തെക്ക് ഭാഗത്തുള്ള നാവിഗേഷൻ ബോയ്‌കൾക്ക് സമീപമാണ് സംഭവം. വിനോദ, മത്സ്യബന്ധന ബോട്ടുകൾ പതിവായി എത്തുന്ന സമുദ്ര മേഖലയാണിത്. ആർക്കും പരിക്കുകളൊന്നും റിപ്പോർട്ട് ചെയ്തിട്ടില്ലെന്ന് അഗ്നിശമന സേനയിലെ ഉദ്യോഗസ്ഥർ സ്ഥിരീകരിച്ചു. കൂട്ടിയിടിയെത്തുടർന്ന്, തകർന്ന ബോട്ട് സുരക്ഷിതമായി അൽ-കൗട്ട് ആങ്കറേജിലേക്ക് മാറ്റി. അപകടത്തിന്റെ കാരണം അവലോകനത്തിലാണ്. നാവിഗേഷൻ പിശകുകളോ മോശം ദൃശ്യപരതയോ മൂലമാകാം അപകടമുണ്ടായതെന്നാണ് പ്രാഥമിക വിവരങ്ങൾ.
