കുവൈത്ത് സിറ്റി: ഇന്ത്യ ഉൾപ്പെടെ ആറ് രാജ്യങ്ങളിൽ നിന്ന് കുവൈത്തിലേക്ക് നേരിട്ടുള്ള വിമാന സർവീസുകൾക്ക് കുവൈത്ത് വ്യോമയാന വകുപ്പ് അനുമതി നൽകി. ഇന്ത്യയെക്കുടാതെ ഈജിപ്ത്, ബംഗ്ലാദേശ്, പാകിസ്ഥാൻ, ശ്രീലങ്ക, നേപ്പാൾ എന്നിവിടങ്ങളിൽനിന്ന് നേരിട്ട് വിമാന സർവീസ് നടത്താനാണ് വ്യോമയാന വകുപ്പ് അനുമതി നൽകിയത്.കൊറോണ എമർജൻസി കമ്മിറ്റി നിശ്ചയിക്കുന്ന വ്യവസ്ഥകൾക്ക് അനുസൃതമായാണ് അനുമതി. നേരത്തെ വിമാന സർവീസിന് അനുമതി നൽകുന്നത് സംബന്ധിച്ച് മന്ത്രിസഭ പ്രഖ്യാപനം വന്നിരുന്നെങ്കിലും വ്യോമയാന വകുപ്പിെൻറ സർക്കുലർ ഇറങ്ങാത്തതിനാൽ വിമാനക്കമ്പനികൾ ടിക്കറ്റ് ബുക്കിങ് ആരംഭിച്ചിരുന്നില്ല.
പ്രവാസികൾ കുവൈത്ത് അംഗീകരിച്ച വാക്സിൻ സ്വീകരിച്ചിരിക്കണം, കുവൈറ്റിലേക്ക് എത്തുന്നതിന് 72 മണിക്കൂർ സമയപരിധിയിൽ പി.സി.ആർ പരിശോധന നടത്തി കോവിഡ് മുക്തരാണെന്ന് തെളിയിക്കുന്ന സർട്ടിഫിക്കറ്റ് കൈവശം ഉണ്ടായിരിക്കണം, ആരോഗ്യ മന്ത്രാലയത്തിെൻറ നിർദ്ദിഷ്ട ആപ്ലിക്കേഷനുകളിൽ രജിസ്റ്റർ ചെയ്ത് ഗ്രീൻ സിഗ്നൽ സ്വന്തമാക്കുക, ഹോം ക്വാറൻറീൻ അനുഷ്ടിക്കുക തുടങ്ങിയവയാണ് പ്രധാന നിബന്ധനകൾ.
