ആലപ്പുഴ:ആലപ്പുഴ ജില്ലയിലെ തലവടിയിൽ 48കാരൻ രഘു പി.ജി. കോളറ ബാധിച്ച് മരിച്ചു. തിരുവല്ലയിലെ ഒരു സ്വകാര്യ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് അദ്ദേഹത്തിന്റെ മരണം സംഭവിച്ചത്. ആരോഗ്യപ്രശ്നങ്ങൾ കാരണം ആശുപത്രിയിൽ പ്രവേശിപ്പിച്ച രഘുവിനെ വിശദമായി പരിശോധിച്ചപ്പോൾ കോളറ രോഗം സ്ഥിരീകരിച്ചിരുന്നു.
കേരളത്തിൽ ഈ വർഷം കോളറ ബാധിച്ച് മരിക്കുന്ന രണ്ടാമത്തെയാളാണ് രഘു. ഏപ്രിൽ 27ന് തിരുവനന്തപുരം കവടിയാര്‍ മുട്ടടയിൽ നിന്നുള്ള 63കാരൻ മുൻ കാർഷിക വകുപ്പ് ഉദ്യോഗസ്ഥൻ കോളറ ബാധിച്ച് മരിച്ചിരുന്നു. മരണാനന്തര രക്തപരിശോധനയിലാണ് അദ്ദേഹത്തിന് കോളറ സ്ഥിരീകരിച്ചത്.
2024 ജൂലൈയിൽ തിരുവനന്തപുരം ജില്ലയിലെ നെയ്യാറ്റിൻകരയിൽ ഒരു സ്വകാര്യ കെയർഹോമിൽ 10 അന്തേവാസികളും ഒരു ജീവനക്കാരനും ഉൾപ്പെടെ 11 പേർക്ക് കോളറ ബാധിച്ചതായി റിപ്പോർട്ട് ചെയ്യപ്പെട്ടിരുന്നു. ഇതേ കെയർഹോമിൽ 26കാരൻ ഒരാൾ മരിച്ചെങ്കിലും അദ്ദേഹത്തിന് കോളറ ബാധിച്ചതായി സ്ഥിരീകരിക്കാൻ കഴിഞ്ഞിരുന്നില്ല.
