ന്യൂ ഡൽഹി: പുതിയ സിബിഐ ഡയറക്ടറെ തിരഞ്ഞെടുക്കുന്നതിനായുള്ള യോഗം പ്രധാനമന്ത്രി നരേന്ദ്ര മോദിയുടെ ഔദ്യോഗിക വസതിയിൽ നടക്കുന്നു. ലോക്സഭാ പ്രതിപക്ഷ നേതാവ് രാഹുൽ ഗാന്ധിയും സുപ്രീം കോടതി ചീഫ് ജസ്റ്റിസ് സഞ്ജീവ് ഖന്നയും ഈ യോഗത്തിൽ പങ്കെടുക്കാൻ പ്രധാനമന്ത്രിയുടെ വസതിയിലെത്തി. നിലവിലെ സിബിഐ ഡയറക്ടർ പ്രവീൺ സൂദിയുടെ ഔദ്യോഗിക കാലാവധി മേയ് 25ന് അവസാനിക്കുന്നതാണ്. പ്രധാനമന്ത്രി,ചീഫ് ജസ്റ്റിസ് , ലോക്സഭാ പ്രതിപക്ഷ നേതാവ് എന്നിവർ അംഗങ്ങളായ മൂന്നംഗ സമിതിയാണ് സിബിഐ ഡയറക്ടറെ നിയമിക്കുന്നത്. രണ്ട് വർഷത്തെ കാലാവധിക്കാണ് സിബിഐ ഡയറക്ടറെ നിയമിക്കുന്നത്.
