കുവൈറ്റ് സിറ്റി : പുതിയ മയക്കുമരുന്ന് വിരുദ്ധ നിയമം കർശനമായി നടപ്പിലാക്കുന്നതിന്റെ പ്രതിഫലനമായി, മയക്കുമരുന്ന് കൈവശം വച്ചതിന് ആറ് പേരെ സുരക്ഷാ അധികൃതർ അറസ്റ്റ് ചെയ്തു. സമൂഹത്തെ സംരക്ഷിക്കുന്നതിനും പൊതു സുരക്ഷ ഉറപ്പാക്കുന്നതിനും ലക്ഷ്യമിട്ടുള്ള പുതിയ നിയമം ദൃഢമായി നടപ്പിലാക്കുന്നതിന്റെ ആദ്യ ദിവസത്തോടനുബന്ധിച്ച്,കഴിഞ്ഞ ഏതാനും മണിക്കൂറുകൾക്കുള്ളിലാണ് ജനറൽ ഡിപ്പാർട്ട്‌മെന്റ് ഫോർ ഡ്രഗ് കൺട്രോൾ അറസ്റ്റ് ചെയ്തതെന്ന് റിപ്പോർട്ട് പറയുന്നു.
ഫർവാനിയ പ്രദേശത്ത് നാല് ഏഷ്യൻ പൗരന്മാരെയും കബ്ദ് പ്രദേശത്ത് ഒരു കുവൈറ്റ് പൗരനെയും ഒരു അനധികൃത താമസക്കാരനെയും രണ്ട് വ്യത്യസ്ത കേസുകളിലായി അറസ്റ്റ് ചെയ്തതായി റിപ്പോർട്ടിൽ പറയുന്നു. എല്ലാ പ്രതികളും മയക്കുമരുന്ന് കൈവശം വച്ചതായി കണ്ടെത്തി.
നിയമവാഴ്ച ശക്തിപ്പെടുത്തുന്നതിനും മയക്കുമരുന്നുമായി ബന്ധപ്പെട്ട എല്ലാ കുറ്റകൃത്യങ്ങൾക്കെതിരെയും കർശന ശിക്ഷകൾ ഏർപ്പെടുത്തുന്നതിനുമുള്ള സുരക്ഷാ ഏജൻസികളുടെ നിരന്തരമായ ശ്രമങ്ങളുടെ ഭാഗമാണ് ഈ നടപടികൾ.
പ്രതിയെ ജുഡീഷ്യറിക്ക് മുന്നിൽ റഫർ ചെയ്യും.
