കുവൈറ്റ് സിറ്റി : കഴിഞ്ഞയാഴ്ച, മയക്കുമരുന്ന് കൈവശം വച്ചതിന് പോലീസ് പട്രോളിംഗ് 28 വ്യക്തികളെ ആഭ്യന്തര മന്ത്രാലയത്തിലെ ഡ്രഗ്സ് കൺട്രോൾ ജനറൽ ഡിപ്പാർട്ട്‌മെന്റിലേക്ക് (ഡിസിജിഡി) റഫർ ചെയ്തു. കൂടാതെ, 241 പേരെ അറസ്റ്റ് ചെയ്ത് തുടർ നടപടികൾക്കായി ബന്ധപ്പെട്ട അധികാരികൾക്ക് കൈമാറി.ആഴ്ചയിൽ 161 ട്രാഫിക് അപകടങ്ങൾ ഉദ്യോഗസ്ഥർ കൈകാര്യം ചെയ്യുകയും 19,151 ഗതാഗത നിയമലംഘനങ്ങൾക്ക് കുറ്റപത്രം നൽകുകയും മൂന്ന് വാഹനങ്ങൾ പിടിച്ചെടുക്കുകയും ചെയ്തു. കഴിഞ്ഞ ആറ് ദിവസത്തിനിടെ, ലൈസൻസില്ലാതെ വാഹനമോടിച്ചതിന് 110 പ്രായപൂർത്തിയാകാത്തവരെ ജനറൽ ട്രാഫിക് ഡിപ്പാർട്ട്‌മെന്റ് (ജിടിഡി) അറസ്റ്റ് ചെയ്യുകയും ജുവനൈൽ പ്രോസിക്യൂഷന് മുന്നിൽ ഹാജരാക്കുകയും ചെയ്തു. മുൻകരുതൽ നടപടികളുടെ ഭാഗമായി 39 പേരെ വകുപ്പ് തടങ്കലിൽ പാർപ്പിച്ചു.
