കുവൈത്ത്: പത്തനംതിട്ട ഗിരീഷ് കർണാട് തിയറ്റർ സ്മാരക വേദിയുടെ അഞ്ചാമത് തിയറ്റർ (നാടകം) പുരസ്കാരം കുവൈത്ത് പ്രവാസിയായ ഷമേജ് കുമാറിന് ലഭിച്ചു. ഇന്ത്യൻ തീയേറ്റർ രംഗത്തെ വിശ്വ നാടക ചലച്ചിത്ര സാംസകാരിക പ്രവർത്തകനായിരുന്ന ഗിരീഷ് കർണാടിന്റെ പേരിൽ പ്രവർത്തിക്കുന്ന ഗിരീഷ് കർണാട് തിയേറ്റർ സ്മാരക വേദിയുടെതാണ് പുരസ്കാരം. പ്രവാസി തിയേറ്റർ രംഗത്തെ (നാടകം) സമഗ്ര സംഭാവനയ്ക്കാണ് ഷമേജ് കുമാറിന് അവാർഡ്.
ഡോ ആരോമൽ ടി , ഡോ തുളസീധരകുറുപ്പ് സബീർ കലാകുടീരം എന്നിവർ അടങ്ങിയ ജൂറി അംഗങ്ങളാണ് ജേതാവിനെ തിരഞ്ഞെടുത്തത്. ഇരുപതോളം വർഷമായി കുവൈറ്റിൽ താമസിക്കുന്ന ഷമേജിനെ തേടി കേരള സംഗീത നാടക അക്കാദമിയുടെ മികച്ച സംവിധായകനുള്ള പുരസ്കാരം , ഗോളബൽ തിയേറ്റർ എക്സ്സെലെൻസ് അവാർഡ്, റോട്ടറി ഇന്റർനാഷണൽ അവാർഡ് തുടങ്ങി നിരവധി പുരസ്‌കാരങ്ങൾ എത്തിയിട്ടുണ്ട്. കുവൈറ്റ് ഓയിൽ കമ്പനിയിൽ എഞ്ചിനീയർ ആയി ജോലി ചെയ്യുന്നു. നാടകത്തോടൊപ്പം ഷോർട് ഫിലിം രംഗത്തും സജീവമായ ഷമേജ് കുമാർ 2024 ഇൽ ഇന്ത്യൻ പ്രധാനമന്ത്രി കുവൈറ്റ് സന്ദർശിച്ചപ്പോൾ നടന്ന കൾച്ചറൽ പരിപാടിയുടെ മുഖ്യ സംഘാടകൻ കൂടി ആയിരുന്നു. മെയ് മാസം 19 ന് രണ്ടു മണിക്ക് പത്തനംതിട്ട പ്രസ്സ് ക്ലബ്ബിൽ നടക്കുന്ന ചടങ്ങിൽ പ്രശസ്ത ചലച്ചിത്ര ഗാന രചയിതാവ് വയലാർ ശരത്ചന്ദ്ര വർമ്മ അവാർഡ് വിതരണം ചെയ്യും എന്ന് സംഘാടകർ അറിയിച്ചു .
