കുവൈത്ത് സിറ്റി : ട്രാവൻകൂർ ഫുട്ബോൾ അസോസിയേഷൻ കുവൈത്ത് (ടിഫാക്ക്) ഓൾ ഇന്ത്യ സെവൻ എ സൈഡ് ഫുട്ബോൾ ടൂർണമെന്റ് “ടിഫാക്ക് കപ്പ് ” സിസൺ – 2 ഏപ്രിൽ 1 ന് നടക്കും. മിഷറഫ് ഗ്രൗണ്ടിൽ വച്ച് വൈകുന്നേരം 4 മണിക്കായിരിക്കും ടൂർണമെന്റ് നടക്കുന്നത്. വിവിധ സംസ്ഥാനങ്ങളിൽ നിന്നുള്ള 16 ടീമുകൾ ആണ് മത്സരത്തിൽ പങ്കെടുക്കുക. വിജയിക്കുന്ന ടീമുകൾക്ക് ക്യാഷ് പ്രൈസും ട്രോഫികളും വിതരണം ചെയ്യും. മികച്ച കളിക്കാർക്കും പ്രോൽസാഹന സമ്മാനങ്ങളും വിതരണം ചെയ്യും. തിരുവനന്തപുരം നിവാസികളായ ഫുട്ബോൾ താരങ്ങളും ഫുട്ബോൾ പ്രേമികളും ചേർന്ന് 2023 ഡിസംബർ 22 ന് രൂപവത്കരിച്ചതാണ് ട്രാവൻകൂർ ഫുട്ബോൾ അസോസിയേഷൻ കുവൈത്ത് (ടിഫാക്ക്) എന്ന സംഘടന. കളിക്കാരുടെ ക്ഷേമത്തിനും ഉന്നമനത്തിനും അഭിവൃദ്ധിക്കും പ്രാധാന്യം നൽകുക എന്ന ഉദ്ദേശ്യത്തോടെയാണ് സംഘടന പ്രവർത്തിക്കുന്നത്. ഏപ്രിൽ ഒന്നിന് നടത്തുന്ന ടിഫാക്ക് കപ്പ് “സീസൺ – 2 ടൂർണമെന്റിൽ കുവൈത്തിലെ പ്രമുഖ വ്യവസായ പ്രമുഖരും കലാ/ കായിക പ്രവർത്തകരും പങ്കെടുക്കുന്നതായിരിക്കും.
