കുവൈത്ത് സിറ്റി: മസ്കറ്റും കുവൈത്ത് സിറ്റിക്കും ഇടയിലുള്ള സർവീസുകൾ ജൂൺ 4 മുതൽ വീണ്ടും ആരംഭിക്കുമെന്ന് ഒമാൻ എയർ അറിയിച്ചു. ഈ വർഷം ആദ്യം താൽക്കാലികമായി നിർത്തിവെച്ച സർവീസുകളാണ് ഇപ്പോൾ പുനരാരംഭിക്കുന്നത്.
“കുവൈത്ത്… ഞങ്ങൾ വീണ്ടും വരുന്നു, ജൂൺ 4 മുതൽ” എന്ന സന്ദേശത്തോടെയാണ് വിമാനക്കമ്പനി സർവീസ് പുനരാരംഭം പ്രഖ്യാപിച്ചത്. പ്രാദേശിക സംഘർഷവും യുദ്ധസാഹചര്യവും കാരണം വ്യോമാതിർത്തി അടച്ചതിനെത്തുടർന്ന് മാർച്ച് ആദ്യം കുവൈറ്റ് ഉൾപ്പെടെയുള്ള നിരവധി പ്രാദേശിക ലക്ഷ്യസ്ഥാനങ്ങളിലേക്കുള്ള വിമാന സർവീസുകൾ എയർലൈൻ നിർത്തിവച്ചിരുന്നു.
