തിരുവനന്തപുരം :കാട്ടാക്കടയിൽ നടന്ന പത്താം ക്ലാസ് വിദ്യാർഥിയെ കാറിടിച്ച് കൊലപ്പെടുത്തിയ കേസിൽ പൂവച്ചൽ സ്വദേശി പ്രിയരഞ്ജന് ജീവപര്യന്തം തടവും പത്ത് ലക്ഷം രൂപ പിഴയും. ക്ഷേത്ര മതിലിൽ മൂത്രമൊഴിച്ചത് ചോദ്യം ചെയ്തതിനെ തുടർന്ന് പ്രതി പൂവച്ചൽ സ്വദേശികളായ അരുണ് കുമാറിന്റെയും ദീപയുടെയും മകൻ ആദിശേഖറിനെ ബോധപൂർവ്വം കാറിടിച്ച് കൊലപ്പെടുത്തിയതായി കോടതി വിധി. തിരുവനന്തപുരം ആറാം അഡീഷണൽ സെഷൻസ് കോടതിയാണ് ഈ വിധി പ്രഖ്യാപിച്ചത്.
2023 ഓഗസ്റ്റ് 30-ന് പുളിങ്കോട് ക്ഷേത്ര ഗ്രൗണ്ടിൽ കളി കഴിഞ്ഞ് ബാള് മടങ്ങിക്കൊണ്ടിരിക്കവേയാണ് ആദിശേഖർ പ്രതിയുടെ വാഹനത്തിന് ഇടിയേൽക്കേണ്ടി വന്നത്. തുടക്കത്തിൽ ഇതൊരു അപകടമായി കണക്കാക്കിയ പോലീസ് പിന്നീട് ഇത് ഒരു ആസൂത്രിതമായ കൊലപാതകമാണെന്ന് തെളിയിച്ചു. “മാമാ, ഇവിടെ മൂത്രം ഒഴിക്കുന്നത് ശരിയാണോ?” എന്ന ആദിശേഖറിന്റെ ചോദ്യമാണ് പ്രതിയുടെ പകയ്ക്ക് കാരണമായതെന്ന് അന്വേഷണത്തിൽ വ്യക്തമായി. പ്രതി ലഹരി ഉപയോഗിക്കുന്നവനും സംഭവ സമയത്ത് മദ്യപിച്ച നിലയിലായിരുന്നുവെന്നും പോലീസ് റിപ്പോർട്ടിൽ ഉൾപ്പെടുത്തിയിരുന്നു.
സിസിടിവി ഫുടേജ് ഉൾപ്പെടെയുള്ള തെളിവുകൾ കേസിന് വലിയ മാധ്യമ ശ്രദ്ധ നേടിയിരുന്നു . കുട്ടിയുടെ മാതാപിതാക്കൾ പ്രതിയുടെ മകനോടുള്ള വൈരാഗ്യത്തെക്കുറിച്ച് പോലീസിന് മൊഴി നൽകിയിരുന്നു. ബാലന്റെ ചോദ്യം പ്രതിയുടെ അഹംഭാവത്തെ ബാധിച്ചതായും അതിനെ തുടർന്നാണ് ഈ ക്രൂരമായ പ്രവൃത്തി നടത്തിയതായും കുറ്റപത്രത്തിൽ വ്യക്തമാക്കിയിരുന്നു.
