സൈനിക താവളങ്ങളിൽ കരാർ തൊഴിലാളികളുടെ പെർമിറ്റ് പുതുക്കുന്നതിൽ ആശയക്കുഴപ്പം

കുവൈത്ത് സിറ്റി: കുവൈത്തിലെ അമേരിക്കൻ സൈനിക താവളങ്ങളിലെ തൊഴിലാളികൾക്ക് വർക്ക് പെർമിറ്റ് പുതുക്കുന്നതിൽ ചില ആശയക്കുഴപ്പം നിലനിൽക്കുന്നതായി ചൂണ്ടിക്കാട്ടി കുവൈത്തിലെ അമേരിക്കൻ എംബസി സ്റ്റേറ്റ് ഡിപ്പാർട്ട്‌മെന്റിന് പരാതി നൽകിയതായി അൽ ഖബാസ് റിപ്പോർട്ട് ചെയ്തു.
മാനവവിഭവശേഷി മന്ത്രാലയം, യു‌എസ് ആർമി, കുവൈറ്റ് ആർമി ചീഫ് ഓഫ് സ്റ്റാഫ് എന്നിവർക്കിടയിലെ മുൻധാരണപ്രകാരം
കുവൈറ്റ് പ്രതിരോധ മന്ത്രാലയത്തിന്റെ സർക്കാർ കരാറുകളിൽ വർക്ക് പെർമിറ്റ് പുതുക്കാനുള്ള അവകാശം തങ്ങൾക്ക് ലഭിക്കുന്നില്ലെന്ന് ഓപ്പറേറ്റിംഗ് കമ്പനികൾ വിദേശകാര്യ മന്ത്രാലയത്തിന് നൽകിയ പരാതിയിൽ പറയുന്നു.
കുവൈത്ത് ഇതര, അമേരിക്കൻ കരസേനയുടെ തൊഴിൽ കരാറുകൾ പുതുക്കുന്നതിൽ ആശയക്കുഴപ്പം ഉണ്ടായതിനെത്തുടർന്ന് കുവൈറ്റ് ആർമി ചീഫ് ഓഫ് സ്റ്റാഫ്, യുഎസ് ആർമി പ്രതിനിധികളുമായി മാനവവിഭവശേഷി മന്ത്രാലയം ഈ ആഴ്ച കൂടിക്കാഴ്ച നടത്തുമെന്ന് സർക്കാർ വൃത്തങ്ങൾ അറിയിച്ചു.