കുവൈറ്റ് സിറ്റി : ആരോഗ്യപരിചരണത്തിന് സമയപരിധികളില്ലെന്ന സന്ദേശവുമായി ഫഹാഹീലിൽ സൂപ്പർ മെട്രോ സ്പെഷ്യലൈസ്ഡ് മെഡിക്കൽ സെന്റർ 24 മണിക്കൂർ സേവനം ആരംഭിച്ചു. പകൽ സമയത്തെ തിരക്കുകൾക്കിടയിൽ ആശുപത്രി സന്ദർശനം സാധ്യമാകാത്തവർക്കും രാത്രിസമയത്ത് ആരോഗ്യപരിശോധന ആവശ്യമായി വരുന്നവർക്കും പുതിയ സേവനക്രമം ഏറെ ആശ്വാസകരമാകുമെന്നാണ് പ്രതീക്ഷ.
“ആരോഗ്യത്തിന് സമയം നോക്കേണ്ടതില്ല” എന്ന ആശയത്തെ മുൻനിർത്തിയാണ് മെട്രോയുടെ 24 മണിക്കൂർ സേവനം. ജോലി, കുടുംബബാധ്യതകൾ, തുടങ്ങിയ കാരണങ്ങളാൽ പകൽ പരിശോധനകൾ മാറ്റിവയ്ക്കേണ്ടിവരുന്നവർക്ക് ഇനി രാത്രിയിലും ആവശ്യമായ പരിശോധനകൾ നടത്താനുള്ള അവസരമാണ് ഒരുക്കിയിരിക്കുന്നത്.
ഈ സേവനത്തിന്റെ ഭാഗമായി ലഭ്യമാക്കിയിരിക്കുന്ന ‘നൈറ്റ് ഹെൽത്ത് പാക്കേജ് ’ ആണ് പ്രധാന ആകർഷണം. രാത്രി 12 മുതൽ പുലർച്ചെ 6 വരെ ലഭ്യമാകുന്ന പ്രത്യേക പാക്കേജിൽ രക്തത്തിലെ പഞ്ചസാര, കംപ്ലീറ്റ് ബ്ലഡ് കൗണ്ട്, ഹീമോഗ്ലോബിൻ, ഡബ്ല്യു ബി സി , ആർ ബി സി , പ്ലേറ്റ്ലെറ്റ് കൗണ്ട്, വിവിധ ആർ ബി സി ഇൻഡീസുകൾ തുടങ്ങിയ അടിസ്ഥാന പരിശോധനകൾ ഉൾപ്പെടുന്നു.
ആരോഗ്യത്തിന്റെ വിവിധ ഘടകങ്ങളെ ഒരുമിച്ച് വിലയിരുത്താൻ സഹായിക്കുന്ന ടോട്ടൽ കൊളസ്ട്രോൾ, ട്രൈഗ്ലിസറൈഡ്സ്, യൂറിക് ആസിഡ്, ക്രിയാറ്റിനിൻ, എ ൽ ടി തുടങ്ങിയ പരിശോധനകളും പാക്കേജിൽ ഉൾപ്പെടുത്തിയിട്ടുണ്ട്. ഇതോടൊപ്പം യൂറിന് ആൽബുമിൻ, യൂറിന് ഷുഗർ, കീറ്റോൺ, ബിലിറൂബിൻ, യൂറോബിലിനോജൻ, മൈക്രോസ്കോപിക് പരിശോധന എന്നിവ ഉൾപ്പെടുന്ന റൂട്ടീൻ യൂറിൻ അനാലിസിസും രക്തസമ്മർദ്ദ പരിശോധനയും ലഭ്യമാണ്.
സ്വന്തം ആരോഗ്യത്തെക്കുറിച്ച് കൂടുതൽ ശ്രദ്ധ പുലർത്താൻ ആഗ്രഹിക്കുന്ന ഏവർക്കും ഈ രാത്രികാല ആരോഗ്യപാക്കേജ് പ്രയോജനകരമാകുന്ന രീതിയിലാണ് ഒരുക്കിയിരിക്കുന്നത്.
“ഒരിക്കലും നിലയ്ക്കാത്ത പരിചരണം” എന്ന ആശയം മുന്നോട്ടുവയ്ക്കുന്ന സൂപ്പർ മെട്രോയുടെ പുതിയ സേവനം, ആരോഗ്യപരിചരണം ഒരു സമയക്രമത്തിൽ ഒതുങ്ങേണ്ടതല്ലെന്ന ചിന്തയ്ക്കാണ് പ്രാധാന്യം നൽകുന്നത്. പകൽ തിരക്കുകൾ അവസാനിക്കുമ്പോഴും ആരോഗ്യത്തിനായുള്ള കരുതൽ അവസാനിക്കരുത് എന്ന സന്ദേശമാണ് 24 മണിക്കൂർ സേവനത്തിലൂടെ മെട്രോ നൽകുന്നത്.
