കുവൈറ്റ് സിറ്റി : കുവൈറ്റിലെ ആരോഗ്യപരിചരണ രംഗത്ത് വിശ്വാസത്തിന്റെയും ഗുണനിലവാരത്തിന്റെയും പേരായ മെട്രോ മെഡിക്കൽ ഗ്രൂപ്പ്, ജലീബിലെ തങ്ങളുടെ ഫാർമസി ‘അൽ മത്ത്കൂറി ഫാർമസി’ ഔദ്യോഗികമായി ഉദ്ഘാടനം ചെയ്തു.ഫെബ്രുവരി 5-ന് നടന്ന ഉദ്ഘാടന ചടങ്ങിൽ നിരവധി പ്രമുഖ വ്യക്തിത്വങ്ങൾ പങ്കെടുത്തു.
ഉദ്ഘാടനം നിർവഹിച്ചത് മെട്രോ മെഡിക്കൽ ഗ്രൂപ്പിന്റെ സ്പോൺസർ ഫഹദ് അൽ മുത്തൈരി, അബൂ അബ്ദുല്ല ലാഫി അൽ മുത്തൈരി, മെട്രോ മെഡിക്കൽ ഗ്രൂപ്പിന്റെ മാനേജിംഗ് പാർട്ണർ ഡോ. ബിജി ബഷീർ, മാനേജിംഗ് ഡയറക്ടർ ഇബ്രാഹിം കുട്ടി ,ഫർമസി എക്സിക്യൂട്ടീവ് ഡയറക്ടർ ഡോ.റംഷാദ് ബിൻ റഹിം ,ഫർമസി ഓപ്പറേൻസ് മാനേജർ നിഷാന്ത് ഇ.വി ,ജനറൽ മാനേജർ മുഹമ്മദ് ഷൗക്കി, ഡെപ്യൂട്ടി ജനറൽ മാനേജർ പ്രിയേഷ് വി പി , ഓപ്പറേഷൻസ് മാനേജർ ജിഷ വർഗീസ് എന്നിവർ ചേർന്നാണ്.
അതേ ദിവസത്തിൽ തന്നെ മെട്രോ ഐ പോയിന്റ് – ജലീബും ഔദ്യോഗികമായി ഉദ്ഘാടനം ചെയ്തു.ഈ ചടങ്ങിൽ റവ. ഫാ. സ്റ്റീഫൻ നീടുവാക്കാട്ട് (സെന്റ് ജോർജ് സിറിയൻ ഓർത്തഡോക്സ് റീഷ്ശ് ചർച്ച്), റവ. ഫാ. അരുണ് ബോസ് (സെന്റ് മേരീസ് സിറിയൻ ഓർത്തഡോക്സ് ചർച്ച്) എന്നിവർ ഉൾപ്പെടെ മേൽപ്പറഞ്ഞ പ്രമുഖരും സന്നിഹിതരായിരുന്നു.
മെട്രോ ഐ പോയിന്റ് – ജലീബ് ശാഖയിൽ, ആധുനിക സാങ്കേതികവിദ്യകളുടെ സഹായത്തോടെ സമ്പൂർണ്ണ നേത്ര പരിശോധനകൾ, കാഴ്ച പരിശോധന, കണ്ണടകളും കോൺടാക്ട് ലെൻസുകളും, കൂടാതെ വിദഗ്ധ നേത്രോപദേശ സേവനങ്ങളും ലഭ്യമാകുമെന്ന് മാനേജ്മെന്റ് അറിയിച്ചു.കുട്ടികൽ മുതൽ മുതിർന്നവർ വരെ എല്ലാവർക്കും അനുയോജ്യമായ രീതിയിൽ കൃത്യതയാർന്ന ഡയഗ്നോസിസും വ്യക്തിഗത പരിചരണവും ഉറപ്പാക്കുന്ന സേവനങ്ങളാണ് മെട്രോ ഐ പോയിന്റിലൂടെ ലക്ഷ്യമിടുന്നത്.
പരിചയസമ്പന്നരായ ഫാർമസിസ്റ്റുകളുടെയും ആരോഗ്യസംരക്ഷണ വിദഗ്ധരുടെയും നേതൃത്വത്തിൽ, ഗുണനിലവാരമുള്ള മരുന്നുകൾ, വെൽനെസ് ഉൽപ്പന്നങ്ങൾ, ഓവർ-ദി-കൗണ്ടർ അവശ്യവസ്തുക്കൾ എന്നിവ പൊതുജനങ്ങൾക്ക് ലഭ്യമാക്കുകയാണ് പുതുതായി പ്രവർത്തനം ആരംഭിച്ച ജലീബ് ഫാർമസിയുടെ പ്രധാന ലക്ഷ്യം.
ഡിജിറ്റൽ ഹെൽത്ത് കെയർ സംയോജനത്തിന്റെ ഭാഗമായി, മെട്രോ മെഡിക്കൽ ഗ്രൂപ്പ് തങ്ങളുടെ ഫാർമസി ഇ-കൊമേഴ്സ് പ്ലാറ്റ്ഫോം വഴി ഹോം ഡെലിവറി സേവനങ്ങളും ആരംഭിച്ചിട്ടുണ്ട്. ഓൺലൈൻ ഓർഡറുകൾ മുഖേന ഉപഭോക്താക്കൾക്ക് പ്രത്യേക ഓഫറുകളും ലഭ്യമാകുമെന്ന് മാനേജ്മെന്റ് അറിയിച്ചു.
എല്ലാ മെട്രോ ഫാർമസി ബ്രാഞ്ചുകളിലും പ്രത്യേക ഓഫറുകൾ ലഭ്യമാണെന്നും, ഗുണനിലവാരമുള്ള ആരോഗ്യസംരക്ഷണം കൂടുതൽ താങ്ങാനാവുന്നതും എല്ലാവർക്കും എളുപ്പത്തിൽ ലഭ്യമാകുന്നതുമാക്കുകയെന്നതാണ് ഗ്രൂപ്പിന്റെ ദൗത്യമെന്നും അധികൃതർ വ്യക്തമാക്കി.വരും ദിവസങ്ങളിൽ കുവൈറ്റിലെ വിവിധ പ്രദേശങ്ങളിൽ കൂടുതൽ മെട്രോ ഫാർമസികളും തുറന്ന് പ്രവർത്തനം ആരംഭിക്കുമെന്നും മാനേജ്മെന്റ് അറിയിച്ചു.
