തൃശൂർ:കഴിഞ്ഞ വർഷം പൂരവുമായി ബന്ധപ്പെട്ട് ഉയർന്നുവന്ന വിവാദങ്ങളുടെ പശ്ചാത്തലത്തിലാണ് ഈ തീരുമാനം. തൃശൂർ പൂരത്തിന് ജാതി, മത, രാഷ്ട്രീയ സംഘടനകളുടെ ചിഹ്നങ്ങൾ അനുവദിക്കില്ലെന്നും ഡിഎംഒയുടെ സർട്ടിഫിക്കറ്റില്ലാത്ത ആംബുലൻസുകൾ സ്വരാജ് റൗണ്ടിലേക്ക് പ്രവേശിക്കാൻ അനുവാദമില്ലെന്നും തീരുമാനിച്ചു. പൂരഒരുക്കങ്ങൾ സംബന്ധിച്ച് മന്ത്രിമാർ കെ. രാജൻ, ആർ. ബിന്ദു, വി.എൻ. വാസവൻ, കേന്ദ്രമന്ത്രി സുരേഷ് ഗോപി എന്നിവർ നേതൃത്വം വഹിച്ച യോഗത്തിലാണ് ഈ നടപടികൾക്ക് അനുമതി ലഭിച്ചത്.
