കുവൈത്ത് സിറ്റി: വിവിധ ക്രമക്കേടുകളുടെ ഭാഗമായി പിടിച്ചെടുത്ത 6,828 കുപ്പി മദ്യം നശിപ്പിച്ച് അധികൃതർ. ഒന്നാം ഉപപ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹ് പുറപ്പെടുവിച്ച 2024-ലെ 2361-ാം നമ്പർ മന്ത്രിതല പ്രമേയത്തിൻ്റെ അടിസ്ഥാനത്തിലാണ് ഈ നടപടി. കുവൈറ്റ് മുനിസിപ്പാലിറ്റി, മയക്കുമരുന്ന് വിരുദ്ധ ജനറൽ ഡിപ്പാർട്ട്‌മെൻ്റ്, ജനറൽ ഡിപ്പാർട്ട്‌മെൻ്റ് ഓഫ് സപ്ലൈ ആൻഡ് പ്രൊവിഷൻസ്, ജനറൽ ഡിപ്പാർട്ട്‌മെൻ്റ് ഓഫ് റെസ്‌ക്യൂ പോലീസ്, ജനറൽ ഡിപ്പാർട്ട്‌മെൻ്റ് ഓഫ് സെക്യൂരിറ്റി റിലേഷൻസ് ആൻ്റ് മീഡിയ എന്നിവയുടെ സഹകരണത്തോടെയാണ് മദ്യം നശിപ്പിച്ചത്.
