കുവൈത്ത് സിറ്റി: നിയമപ്രകാരം ക്രിമിനൽ കുറ്റമായ യാചനയിൽ ഏർപ്പെടുന്ന വ്യക്തികളെക്കുറിച്ച് അറിയിക്കുന്നതിനായി ആഭ്യന്തര മന്ത്രാലയം പൊതുജനങ്ങൾക്കായി മൂന്ന് കോൺടാക്റ്റ് നമ്പറുകൾ പുറത്തിറക്കി. രാജ്യത്ത് ഭിക്ഷാടനം കുറയ്ക്കുന്നതിന്റെ ഭാഗമായി പൗരന്മാരോടും താമസക്കാരോടും മന്ത്രാലയം സഹകരണം ആവശ്യപ്പെട്ടു. അടിയന്തര ഹോട്ട്‌ലൈൻ നമ്പർ 112 ന് പുറമേ, 25582581, 97288200, 97288211 എന്നീ നമ്പറുകളിലൂടെയും റിപ്പോർട്ടുകൾ നൽകാമെന്ന് മന്ത്രാലയം അറിയിച്ചു.
