അരീക്കോട് (മലപ്പുറം) : അരീക്കോടിൽ സാൻവിച്ച് കഴിച്ചവർക്ക് ഭക്ഷ്യ വിഷ ബാധ. സാൻവിച്ച് കഴിച്ച നിരവധി ആളുകളെയാണ് ശാരീരികാസ്വസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചത്.
35 പേർ അരീക്കോട് താലൂക്ക് ആശുപത്രിയിൽ നിരീക്ഷണത്തിൽ തുടരുകയാണ്. രണ്ട് പേരെ മഞ്ചേരി ഗവൺമെന്റ് ആശുപത്രിയിലേക്ക് മാറ്റി. ആരുടെയും നില ഗുരുതരമല്ലെന്നാണ് പ്രാഥമിക നിഗമനം.
കേരള മുസ്ലിം ജമാഅത്ത് സ്വാതന്ത്ര്യ ദിനത്തോടനുബന്ധിച്ച് നടത്തിയ പരിപാടിയിൽ വിതരണം ചെയ്ത സാൻവിച്ചിൽ നിന്നാണ് ഭക്ഷ്യ വിഷ ബാധയുണ്ടായത് എന്ന് പ്രാഥമിക നിഗമനം. അരീക്കോട് ക്രസന്റ് ഓഡിറ്റോറിയത്തിൽ വച്ച് ഇന്നലെയായിരുന്നു പരിപാടി.
