കുവൈറ്റ്‌ സിറ്റി : കുവൈത്തിൽ 462 വ്യക്തികളുടെ വിലാസങ്ങൾ റദ്ദാക്കിയതായി പബ്ലിക് അതോറിറ്റി ഫോർ സിവിൽ ഇൻഫർമേഷൻ പ്രഖ്യാപിച്ചു. പ്രോപ്പർട്ടി ഉടമയുടെ സമ്മതത്തോടെയോ അല്ലെങ്കിൽ പ്രോപ്പർട്ടി പൊളിക്കുന്നത് മൂലമോ ആണ് റെസിഡൻഷ്യൽ വിലാസങ്ങൾ ഇല്ലാതാക്കുന്നതെന്ന് അതോറിറ്റി അറിയിച്ചു. വിലാസങ്ങൾ റദ്ദാക്കുന്ന പ്രക്രിയ ഇനിയും തുടരുമെന്ന് അധികൃതർ വ്യക്തമാക്കി. മേൽവിലാസം ഇല്ലാതായവർ പേര് പ്രസിദ്ധീകരിച്ച് 30 ദിവസത്തിനകം അതോറിറ്റിയിൽ എത്തി അനുബന്ധ രേഖകൾ നൽകിയ ശേഷം പുതിയ വിലാസം രജിസ്റ്റർ ചെയ്യണമെന്നും അധികൃതർ നിർദേശിച്ചു. അല്ലെങ്കിൽ 100 ദിനാറിൽ കൂടാത്ത പിഴ വരെ ചുമത്തുന്നതായിരിക്കും.
