കുവൈത്ത് സിറ്റി: ചരക്ക് ക്ഷാമം, വിലക്കയറ്റം എന്നിവയുടെ ഫലപ്രദമായി നേരിടുന്ന തരത്തിൽ ഭക്ഷ്യ സുരക്ഷയ്ക്കാണ് മുൻഗണന നൽകുന്നതെന്ന്കുവൈറ്റ് ഭരണകൂടം . ഭക്ഷണം, മരുന്ന്, നിർമാണ സുരക്ഷ എന്നിവ ഉറപ്പാക്കാനുള്ള പദ്ധതി കുവൈത്ത് ആസൂത്രണം ചെയ്യുന്നതായി പ്രാദേശിക മാധ്യമങ്ങൾ റിപ്പോർട്ട് ചെയ്തു .
നിരവധി അന്താരാഷ്ട്ര സ്ഥാപനങ്ങൾ, കോർപ്പറേഷനുകൾ, ഫാക്ടറികൾ എന്നിവയിലെ സ്വാധീനമുള്ള ഓഹരികൾ നിയന്ത്രിക്കുക, അതുവഴി ഭക്ഷണം, മരുന്ന്, നിർമ്മാണ സാമഗ്രികൾ എന്നിവയുടെ സുരക്ഷയും സ്ഥിരതയും ഉറപ്പാക്കുകയും ആഗോള വിപണിയിലെ ഏറ്റക്കുറച്ചിലുകളുടെ പശ്ചാത്തലത്തിൽ ഭക്ഷണം, മരുന്ന്, നിർമ്മാണ സാമഗ്രികൾ എന്നിവയുടെ ദൗർലഭ്യം തടയുകയും ചെയ്യുന്നതിനായിട്ടാണിത്
ദീർഘകാലാടിസ്ഥാനത്തിൽ സമ്പദ്‌വ്യവസ്ഥയെ സംരക്ഷിക്കുന്നതിനുമുള്ള നടപടികൾ സ്വീകരിച്ചുവരുന്നതായി ബന്ധപ്പെട്ട വൃത്തങ്ങൾ വ്യക്തമാക്കിയതായാണ് റിപ്പോർട്ടിലുള്ളത്.
