തിരുവനന്തപുരം:അന്‍വറിനെതിരായ വിമര്‍ശനങ്ങള്‍ക്കും കോണ്‍ഗ്രസ് നേതാക്കളുടെ മറുപടികള്‍ക്കും ശേഷം മുന്‍ കെപിസിസി പ്രസിഡന്റ് കെ. സുധാകരന്‍ അന്‍വറിനെ പിന്തുണച്ചു. അന്‍വര്‍ യുഡിഎഫില്‍ ചേരുകയാണെന്നാണ് തന്‍റെ വ്യക്തിപരമായ ആഗ്രഹമെന്ന് സുധാകരന്‍ പറഞ്ഞു.
അന്‍വര്‍ വിഷയത്തില്‍ വി.ഡി. സതീശന്‍ ഒറ്റയ്ക്ക് തീരുമാനമെടുക്കേണ്ടതില്ലെന്നും ചര്‍ച്ചകള്‍ തുടരുന്നുവെന്നും സുധാകരന്‍ ഊന്നിപ്പറഞ്ഞു.
കാലങ്ങളായി തനിക്ക് അന്‍വറുമായി വൈകാരികമായ ഒരു അടുപ്പമുണ്ടെന്നും ആ അടുപ്പം വച്ച് അദ്ദേഹത്തെ നേര്‍വഴിയിലെത്തിക്കാന്‍ താന്‍ ശ്രമിക്കുമെന്നും അദ്ദേഹം പറഞ്ഞു.
അന്‍വര്‍ യുഡിഎഫ് സ്ഥാനാര്‍ത്ഥിയെ അംഗീകരിക്കാന്‍ തയാറാകണമെന്ന് സുധാകരന്‍ ആവശ്യപ്പെട്ടു.
അന്‍വര്‍ ഉന്നയിച്ച ഷൗക്കത്തിനെതിരായ പരാമര്‍ശങ്ങള്‍ ശരിയായിരുന്നില്ലെന്നും അന്‍വര്‍ സ്വയം തിരുത്തണമെന്നും സുധാകരന്‍ വിമര്‍ശിച്ചു.നിലമ്പൂര്‍ നിയോജകമണ്ഡലത്തില്‍ അന്‍വര്‍ നിര്‍ണായക ശക്തിയാണെന്നാണ് സുധാകരന്‍റെ വിശ്വാസം.
യുഡിഎഫില്‍ ചേരാന്‍ അന്‍വരോട് ആരും ആവശ്യപ്പെട്ടിട്ടില്ലെന്നും അന്‍വര്‍ സ്വയം ആഗ്രഹിച്ചാണ് വന്നതെന്നും അദ്ദേഹം വ്യക്തമാക്കി.
അന്‍വര്‍റ്റെ കൈയിലുള്ള വോട്ടുകള്‍ യുഡിഎഫിന് ലഭിക്കാതെ പോയാല്‍ തിരിച്ചടി നേരിടുമെന്ന് സുധാകരന്‍ ശ്രദ്ധയില്‍പ്പെടുത്തി. “വലിയ തിരിച്ചടിയോ ചെറുതോ എന്ന് പറയാനില്ല. അന്‍വര്‍ക്ക് ലഭിക്കുന്ന വോട്ടുകള്‍ യുഡിഎഫിന് ലഭിച്ചാല്‍ അത് മുതല്‍ക്കൂട്ടായി മാറുമെന്നതിന് സംശയമില്ല” എന്ന് അദ്ദേഹം മാധ്യമങ്ങളോട് പറഞ്ഞു.
അന്‍വര്‍ വിഷയത്തില്‍ പ്രതിപക്ഷ നേതാവിന്‍റെ (വി.ഡി. സതീശന്‍റെ) അഭിപ്രായം അദ്ദേഹത്തോട് ചോദിക്കണമെന്ന് സുധാകരന്‍ പറഞ്ഞു.
അന്‍വറിനും സതീശനും തമ്മില്‍ വ്യക്തിപരമായ പ്രശ്‌നങ്ങളുണ്ടോ എന്ന് മാധ്യമങ്ങള്‍ ചോദിച്ചപ്പോള്‍, വ്യക്തിപരമായ അകല്‍ച്ചയൊന്നും മുന്നണി സംവിധാനത്തില്‍ ഞങ്ങളാരും പരിഗണിക്കാന്‍ പോകുന്നില്ല എന്നായിരുന്നു സുധാകരന്‍റെ മറുപടി.
അന്‍വറിനോട് താന്‍ സംസാരിച്ചിട്ടുണ്ടെന്നും അന്‍വര്‍ന്റെ യുഡിഎഫ് പ്രവേശനം മരവിച്ചിട്ടില്ലെന്നും താന്‍ അതിനായി ഇനിയും ചര്‍ച്ച തുടരുമെന്നും കെ. സുധാകരന്‍ വ്യക്തമാക്കി.
