മുഖ്യമന്ത്രി പിണറായി വിജയന്റെ പൊളിറ്റിക്കല് സെക്രട്ടറി പി ശശിക്കെതിരെ ഗുരുതര ആരോപണങ്ങൾ വെളിപ്പെടുത്തി ടിക്കാറാം മീണ ഐഎഎസിന്റെ ആത്മകഥ. തൃശ്ശൂര് കളക്ടറായിരിക്കെ വ്യാജകള്ള് നിര്മ്മാതാക്കള്ക്കെതിരെ നടപടിയെടുത്തതിന്റെ പേരില് പി ശശി തന്നെ സ്ഥലം മാറ്റിയെന്നാണ് വെളിപ്പെടുത്തല്. അന്ന് ഇകെ നായനാരുടെ പൊളിറ്റിക്കല് സെക്രട്ടറിയായിരുന്ന പി ശശി. വ്യാജ കള്ള് നിര്മാതാക്കളെ പിടികൂടിയതിന് അന്നത്തെ എക്സൈസ് മന്ത്രി നേരിട്ട് വിളിച്ച് എതിര്പ്പ് പറഞ്ഞു. കേസ് അട്ടിമറിക്കാനായി അന്നത്തെ ജില്ലാ പൊലീസ് മേധാവിയായിരുന്നു ബി സന്ധ്യയ്ക്ക് മേല് സമ്മര്ദ്ദം ചെലുത്താനും ശ്രമമുണ്ടായെന്നും ആത്മകഥയിലുണ്ട്.
ഇടത് വലത് സര്ക്കാരുകളുടെ കാലത്ത് സത്യസന്ധമായി പ്രവര്ത്തിച്ചതിന്റെ പേരില് നേരിട്ട സമ്മര്ദ്ദങ്ങളും ദുരനുഭവങ്ങളുമാണ് ‘തോല്ക്കില്ല ഞാന്’ എന്ന ആത്മകഥയിൽ എടുത്തു പറയുന്നത് .
