ഇന്ത്യൻ ആർട്ട്സ് ഫെഡറേഷൻ (ഐ .എ .എഫ് )കുവൈത്തിന്റെ ഈ വർഷത്തെ ഓണാഘോഷ പരിപാടികൾ മെഹബുള്ള കാലിക്കറ്റ് ലൈവ് ഓഡിറ്റോറിയത്തിൽ നടന്നു.
അത്തപൂക്കളമൊരുക്കി സർവ്വാഭരണ വിഭൂഷിതനായ മാവേലി മന്നന്റെ വരവോടെ പരിപാടികൾക്ക് തുടക്കമായി.
കുവൈത്തിലെ പ്രമുഖ സാമൂഹിക പ്രവർത്തകൻ ഡോക്ടർ അമീർ അഹ്‌മദ്‌ നിലവിളക്കു കൊളുത്തി ഉൽഘാടനം ചെയ്തു. പ്രസിഡന്റ് ഷെറിൻ മാത്യു അധ്യക്ഷത വഹിച്ച ചടങ്ങിൽ ഫ്യൂച്ചർ ഐ തീയേറ്റർ ചെയർമാൻ ഷെമീജ് കുമാർ ഓണ സന്ദേശം നൽകി.ജനറൽ സെക്രട്ടറി ,ലിയോ പൊന്നാട അണിയിച്ച് ഡോക്ടർ അമീറിനെ ആദരിച്ചു .
കുട്ടികളുടെ നൃത്തനൃത്യങ്ങൾ കലാ പ്രകടനങ്ങൾ, വിവിധയിനം വിനോദമത്സരങ്ങൾ, വിഭവസമൃദ്ധമായ ഓണസദ്യയും ഓണകാലത്തിന്റെ ഗൃഹാതുരാനുഭവം ഉളവാക്കി .
കുവൈത്തിന്റെ പ്രവാസ ഭൂമിയിൽ ഭാഷയുടെയും സംസ്‌കാരത്തിന്റെയും സ്നിഗ്ധമായ വെളിച്ചം കെടാതെ സൂക്ഷിക്കുവാനും അത് വരും തലമുറയിലേക്ക് കൈമാറുവാനുമുള്ള മഹത്തായ ദൗത്യമാണ് ഇന്ത്യൻ ആർട്ട്സ് ഫെഡറേഷന്റെ അടിസ്ഥാന ലക്ഷ്യം എന്നും കുട്ടികളിലെ സർഗാത്മകമായ അഭിരുചികൾ കണ്ടെത്തി പ്രോത്സാഹിപ്പിക്കുന്ന തിനു വേണ്ടി വേദികൾ ഒരുക്കുകയും ചെയ്യാനുള്ള വിവിധ കർമ്മ പദ്ധതികൾ ഫെഡറേഷൻ ആരംഭിച്ചിട്ടുള്ളതായി അധ്യക്ഷ പ്രസംഗത്തിൽ ഷെറിൻ മാത്യു പറഞ്ഞു.
സംഘടനയുടെ രാഷാധികാരി പ്രേമൻ ഇല്ലത്ത്,ലോക കേരള സഭാംഗം ഉണ്ണിമായ ,വൈസ് പ്രസിഡന്റ് മുസാഫർ ,ജോയിന്റ് സെക്രട്ടറി മുരളി ,എന്നിവർ ആശംസകൾ അറിയിച്ചു .ട്രഷറർ ലിജോ നന്ദി പറഞ്ഞു .കുവൈത്തിലെ കലാസാംസകാരിക മേഖലകളിലെ നിരവധി പേർ സംബന്ധിച്ചു .
കൺവീനേഴ്‌സ് ജിജോ ,ജിബി എന്നിവർ ഓണാഘോഷ പരിപാടികൾക്ക് നേതൃത്വം നൽകി .
