കുവൈറ്റ് സിറ്റി : കുവൈത്തിലെ ഷെയ്ഖ് ജാബർ പാലത്തിന്റെ മുകളിൽ നിന്ന് ചാടി ആത്മഹത്യയ്ക്ക് ശ്രമിച്ച യുവതിയെ ഫയർ ആൻഡ് മറൈൻ റെസ്ക്യൂ ടീമുകൾ വിജയകരമായി രക്ഷപ്പെടുത്തി. ചൊവ്വാഴ്ച നടന്ന സംഭവത്തിൽ, അൽ-ജൗൺ മറൈൻ സെന്ററിലെയും ഷെയ്ഖ് ജാബർ ബ്രിഡ്ജ് മറൈൻ ഫയർ ആൻഡ് റെസ്ക്യൂ സെന്ററിലെയും സംഘങ്ങൾ ഉടൻ സ്ഥലത്തെത്തി രക്ഷാപ്രവർത്തനം നടത്തി.
യുവതിയെ സുരക്ഷിതമായി പുറത്തെടുത്ത ശേഷം അടിയന്തര മെഡിക്കൽ സംഘത്തിന് കൈമാറി.
രക്ഷാപ്രവർത്തനത്തിന് പിന്നാലെ യുവതിയുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. സംഭവത്തെക്കുറിച്ചോ യുവതിയുടെ തിരിച്ചറിയലിനെക്കുറിച്ചോ കൂടുതൽ വിവരങ്ങൾ പുറത്തുവിട്ടിട്ടില്ല. സമയോചിതമായി ഇടപെട്ട് യുവതിയുടെ ജീവൻ രക്ഷിച്ച രക്ഷാപ്രവർത്തക സംഘത്തെ ജനറൽ ഫയർ ഫോഴ്സ് അഭിനന്ദിച്ചു.
