കുവൈറ്റ് സിറ്റി : ഇടപ്പാളയം ആഗോള പ്രവാസി കൂട്ടായ്മയുടെ കുവൈറ്റ് ചാപ്റ്ററിന് പുതിയ ഭാരവാഹികളായി പ്രസിഡന്റ് ആയി നൗഫൽ കൊലക്കാട്ടിനെയും, ജനറൽ സെക്രട്ടറിയായി അലി കുറ്റിപ്പാലയെയും, ട്രഷററായി പ്രഭാത് അതളൂരിനെയും നിയമിച്ചു. വൈസ് പ്രസിഡന്റുമാരായി സിദ്ധാർത്ഥൻ കുട്ടത്ത്, അഷ്‌റഫ് നടുവട്ടം എന്നിവരും ജോയിന്റ് സെക്രട്ടറിമാരായി ശറഫുദ്ധീൻ മുതൂർ, ശാഹുൽ കുറ്റിപ്പാല എന്നിവരും തിരഞ്ഞെടുക്കപ്പെട്ടു. ജോയിന്റ് ട്രഷററായി സുധീർ തുയ്യം, കോർഡിനേറ്ററായി സുബൈർ മറവഞ്ചേരി, മീഡിയ കൺവീനറായി നസീർ വട്ടംകുളം എന്നിവരെയും സമിതിയിൽ ഉൾപ്പെടുത്തി. ഉപദേശക സമിതി അംഗങ്ങളായി നിതിൽ നിർമൽ, അബൂബക്കർ കാടഞ്ചേരി, ബഷീർ കാലടി എന്നിവരും പ്രത്യേക ക്ഷണിതാക്കളായി മോഹൻദാസ് തുയ്യം, ആനന്ദ് വട്ടംകുളം എന്നിവരും നിയമിതരായി. കൂടാതെ, എക്സിക്യൂട്ടീവ് അംഗങ്ങളും തെരഞ്ഞെടുത്തു.വാർഷിക ജനറൽ ബോഡി യോഗവും ഇഫ്താർ വിരുന്നും മാർച്ച് 21, 2025 വെള്ളിയാഴ്ച സംഘടിപ്പിച്ചിരുന്നു.
