ദമ്മാം: തൊഴിൽ വിസ നിയമലംഘനങ്ങൾക്കു പിടിയിലായ 8 മലയാളികൾ ഉൾപ്പെടെ 285 ഇന്ത്യക്കാരെ സൗദി അറേബ്യ നാടുകടത്തി. ദമാമിലെ നാടുകടത്തൽ കേന്ദ്രത്തിൽ ആയിരുന്ന ഇവരെ അവിടെനിന്ന് ഡൽഹി വിമാനത്താവളത്തിൽ ആണ് എത്തിച്ചത്. തൊഴിൽ നിയമ ലംഘനം, താമസ വിസ പുതുക്കാതിരുന്നത്, ഹുറൂബ് കേസ് എന്നിവയിൽ പിടിയിലായ വരെയാണ് നാടുകടത്തിയത്. മലയാളികൾക്ക് പുറമേ തമിഴ്നാട്, തെലുങ്കാന, ആന്ധ്ര പ്രദേശ്, ജമ്മുകാശ്മീർ, രാജസ്ഥാൻ, ബീഹാർ, പശ്ചിമബംഗാൾ, ഉത്തർപ്രദേശ് എന്നീ സംസ്ഥാനങ്ങളിൽ നിന്നുള്ളവരും ഉണ്ട്. കോവിഡ് ആരംഭിച്ചതിനുശേഷം കഴിഞ്ഞ എട്ടു മാസത്തിനിടെ ഇവിടെ സൗദിയിൽ നിന്നും 4608 ഇന്ത്യക്കാരെയാണ് നാടുകടത്തിയത്.
