കുവൈത്ത് സിറ്റി : ഫിലിപ്പീൻസിൽ നിന്നും ഗാർഹിക തൊഴിലാളികളെ കുവൈത്തിലേക്ക് വീണ്ടും എത്തിക്കുന്നത് സംബന്ധിച്ച് ധാരണയായി. ഇത് സംബന്ധിച്ച് ചർച്ച ചെയ്യുന്നതിനായി കഴിഞ്ഞദിവസം കുവൈത്ത് അധികൃതർ ഫിലിപ്പിൻസിലെ വീട്ടുജോലിക്കാരുടെ ഓഫീസുകളുമായി ഓൺലൈൻ മീറ്റിംഗ് നടത്തിയിരുന്നു. വരുന്ന മാർച്ച് 9 മുതൽ ഫിലിപ്പിൻസിൽ നിന്നുള്ള വീട്ടുജോലിക്കാരെ വീണ്ടും കുവൈത്തിലേക്ക് റിക്രൂട്ട് ചെയ്യുന്നത് ആരംഭിക്കും. ഇതുസംബന്ധിച്ച് നിലനിന്നിരുന്ന പ്രശ്നങ്ങൾ ചർച്ച ചെയ്ത് പരിഹരിച്ചതായി അൽ-ഖബാസ് ദിനപത്രം റിപ്പോർട്ട് ചെയ്തു
ഗാർഹിക തൊഴിലാളികളുടെ കരാറുകളും തൊഴിലുടമകൾക്ക് അവരോടുള്ള പ്രതിബദ്ധതയും പരിശോധിക്കുന്നതിനായി ഒരു ലെയ്സൺ ഓഫീസറെ നിയമിക്കും. റിക്രൂട്ട്മെൻറ് ആരംഭിച്ചതിനുശേഷം ഇരുരാജ്യങ്ങൾക്കുമിടയിലെ വീണ്ടും യോഗം നടക്കും. പുതിയ ആവശ്യകതകൾ നടപ്പിലാക്കുന്നതിനുള്ള സംവിധാനം അംഗീകരിച്ചുകഴിഞ്ഞാൽ, ഫിലിപ്പീൻസിൽ നിന്നുള്ള പുതിയ കരാറുകളും നിയമനവും വിദേശകാര്യ മന്ത്രാലയവുമായി ഏകോപിപ്പിച്ച് നടക്കും.
