കുവൈത്ത് സിറ്റി: കുവൈത്തിലെ സുലൈബിയയിലെ കൃഷിയിടങ്ങളിൽ തീപിടുത്തം. മരങ്ങൾക്കും കാർഷിക വിളകൾക്കും ഇടയിലായാണ് തീപിടുത്തം ഉണ്ടായതെന്ന് അഗ്നിശമനസേനാംഗങ്ങൾ പറഞ്ഞു. ശക്തമായ കാറ്റ് സമീപത്തെ കൃഷിയിടങ്ങളിലേക്ക് തീ പടരാൻ കാരണമായതായും അവർ കൂട്ടിച്ചേർത്തു. അഗ്നിശമന സേനാംഗങ്ങൾക്കൊപ്പം ദേശീയ സുരക്ഷാ സേനാംഗങ്ങളും തീയണക്കാനുള്ള ശ്രമങ്ങളിൽ പങ്കാളികളായി. അപകടത്തിൽ ആളപായമില്ല.
