ലോകം ചുരുങ്ങിച്ചുരുങ്ങി വിരല്‍ത്തുമ്പോളം ചെറുതായിരിക്കുന്നു. ശരീരങ്ങള്‍ എത്രയകലെയാകുംപോഴും മനസ്സുകള്‍ തമ്മിലുള്ള അകലം ദിനേന കുറച്ചുകൊണ്ടുവരികയാണ് സാങ്കേതിക ശാസ്ത്രം. അകലങ്ങളിലുള്ളവരെ ഒരു നിമിഷത്തിന്റെ പോലും ദൂരമില്ലാതെ അടുത്തെത്തിക്കാന്‍ കഴിഞ്ഞാല്‍ ആളുകളിലേക്ക് അതിവേഗം ഇറങ്ങിച്ചെല്ലാന്‍ പറ്റുമെന്ന് അവര്‍ക്ക് മനസ്സിലായിക്കഴിഞ്ഞു. നിമിഷവേഗത്തിലുള്ള സംവേദനത്തിനു ലോകത്തില്‍ ഏറ്റവും കൂടുതല്‍ ആളുകള്‍ ഉപയോഗിക്കുന്ന ചാറ്റിംഗ് ആപ്പ് വാട്ട്സ്ആപ് ആണെന്ന് എല്ലാവര്‍ക്കുമറിയാം. എന്നാലിതാ അവര്‍ക്ക് വെല്ലുവിളിയുമായി ഗൂഗിള്‍ എത്തുന്നു. വാട്‌സ്ആപ്പിന് സമാനമായി ഫോണ്‍ നമ്പര്‍ അധിഷ്ഠിത ചാറ്റ് മെസഞ്ചര്‍ ‘അലോ’യുമായിട്ടാണ് ഗൂഗിള്‍ എത്തുന്നത്. വളരെ സിംപിളായ ഇന്‍റര്‍ഫേസാണ് ഈ ആപ്പിനെ ശ്രദ്ധേയമാക്കുന്നത്. വോയ്‌സ് മെസേജ്, സ്മാര്‍ട്ട് റിപ്ലേ, വിസ്പര്‍, ഷൗട്ട്, എന്‍ഡ് ടു എന്‍ഡ് എന്‍ക്രിപ്ഷന്‍ തുടങ്ങിയ ഫീച്ചറുകളുമായാണ് ‘അലോ’എത്തുന്നത്. ഫോട്ടോകള്‍, വീഡിയോകള്‍, ലൊക്കേഷന്‍ എന്നിവ അതിവേഗം കൈമാറാനും ഇതില്‍ സൌകര്യമുണ്ട്.
