കുവൈറ്റ് സിറ്റി :തിങ്കളാഴ്ച വൈസ് പ്രസിഡന്റ് ഖാലിദ് അൽ-മുതൈരിയുടെ അധ്യക്ഷതയിൽ ചേർന്ന പ്രധാന യോഗത്തിൽ കുവൈറ്റിലുടനീളമുള്ള നിരവധി റെസിഡൻഷ്യൽ, നിക്ഷേപ മേഖലകളുടെ എണ്ണത്തിന് മുനിസിപ്പൽ കൗൺസിൽ അംഗീകാരം നൽകി. അംഗീകരിച്ച പദ്ധതികൾ പ്രകാരം അൽ-അഹ്മദി ഗവർണറേറ്റിലെ ഫിന്റാസ്, ഹവല്ലി പ്രദേശത്തെ 12 പ്ലോട്ടുകൾ, കൂടാതെ അൽ-ഫർവാനിയ ഗവർണറേറ്റിലെ ജലീബ് അൽ-ഷുയൂഖ് , അൽ-റിഖായ് എന്നീ പ്രദേശങ്ങൾക്കും ഔദ്യോഗിക നമ്പറിംഗ് നടപ്പാക്കും.
ഇസ്ലാമികകാര്യ മന്ത്രാലയത്തിന്റെ അഭ്യർഥന പ്രകാരം സൗത്ത് സബാഹിയയിൽ 625 ചതുരശ്ര മീറ്റർ വിസ്തൃതിയുള്ള പള്ളി നിർമാണത്തിനുള്ള സ്ഥലവും, ജഹ്റയിൽ ഇമാമിനും മുഅദ്ദിനും താമസിക്കാനായി 300 ചതുരശ്ര മീറ്റർ സ്ഥലവും അനുവദിച്ചു.
അതോടൊപ്പം സാൽവയിൽ 84 ചതുരശ്ര മീറ്റർ വിസ്തൃതിയുള്ള വൈദ്യുതി സബ്സ്റ്റേഷനും, അൽ-റിഖായിലെ നീതിന്യായ മന്ത്രാലയത്തിന്റെ വിദഗ്ധ വിഭാഗത്തിനായി 2,400 ചതുരശ്ര മീറ്റർ കെട്ടിടവും, ഷുവൈബ ഇൻഡസ്ട്രിയൽ ഏരിയയിലെ 7,000 ചതുരശ്ര മീറ്റർ സ്ഥലം ആഭ്യന്തര മന്ത്രാലയത്തിന്റെ കാബിനറ്റ് സുരക്ഷാ തീരുമാനങ്ങൾ നടപ്പാക്കുന്ന സമിതിക്കായി പുനർവിനിയോഗം ചെയ്യാനും കൗൺസിൽ അംഗീകാരം നൽകി.
സ്വകാര്യ ഭവനങ്ങളുടെ നിർമ്മാണ-പൊളിക്കൽ പദ്ധതികൾക്കായി ഏകീകൃത കരാർ മാതൃക നടപ്പാക്കുന്നതുമായി ബന്ധപ്പെട്ട നിർദേശവും മുനിസിപ്പാലിറ്റിയുടെ എക്സിക്യൂട്ടീവ് വിഭാഗത്തിന് പഠനത്തിനായി കൈമാറി. ഈ പദ്ധതി നടപ്പായാൽ വീട്ടുടമകളുടെയും കരാറുകാരുടെയും അവകാശങ്ങൾ കൂടുതൽ സംരക്ഷിക്കപ്പെടുമെന്ന് അധികൃതർ അറിയിച്ചു.
