കുവൈറ്റ് സിറ്റി: കഴിഞ്ഞ മൂന്ന് വർഷത്തിനുള്ളിൽ 1.15 ദശലക്ഷത്തിലധികം പ്രവാസികളുടെ റെസിഡൻസി റദ്ദാക്കിയതായി ഔദ്യോഗിക ഡാറ്റ ഉദ്ധരിച്ച് പ്രാദേശിക ദിനപത്രം റിപ്പോർട്ട് ചെയ്തു. സ്വന്തമായി രാജ്യം വിട്ടവരും നാടുകടത്തപ്പെട്ടവരും ഇതിൽ ഉൾപ്പെടും.
2021-ൽ 227,000 പ്രവാസികൾ രാജ്യം വിട്ടു, ഏകദേശം 160,000 പേർ നഷ്ടപരിഹാരം കൂടാതെ പോയി, അവരിൽ ഭൂരിഭാഗവും സ്വകാര്യ മേഖലയിൽ ജോലി ചെയ്യുന്നവരും ഗാർഹിക തൊഴിലാളികളു ആണെന്നും റിപ്പോർട്ട് പറയുന്നു. എന്നിരുന്നാലും, 2021-ലെ 100,000-ത്തെ അപേക്ഷിച്ച് കഴിഞ്ഞ വർഷം 218,000 തൊഴിലാളികൾ നിർമ്മാണ മേഖലയിൽ രജിസ്റ്റർ ചെയ്തു. ഗണ്യമായ വർദ്ധനവ് ആണ് ഉണ്ടായത്. ഔദ്യോഗിക ഡാറ്റ പ്രകാരം 2022ൽ തൊഴിൽ വിപണിയിൽ ഗണ്യമായ വീണ്ടെടുക്കൽ നടന്നു, 67,000 തൊഴിലാളികൾ ആദ്യമായി രാജ്യത്ത് പ്രവേശിച്ചു, അവരിൽ 64% ഗാർഹിക തൊഴിലാളികളാണ്.
